PSALMS 54 - Navajo Bible

Ana'í bich'ą́ą́h na'adzi' bíká sohodizin

¹ Diyin God nílíinii, nízhi' bee yisdáshíłteeh, áádóó nibee adziilii binahjį' t'áá ákogi át'é, shidiní.

² Diyin God nílíinii, shisodizin diits'į́į́h; saad bee yáshti'ígíí yíníłts'ą́ą́'.

³ Háálá dé'éyóní shich'į' nídahidiikai, diné ade ádeinízinii shida'niiłhį́; éí Diyin God doo bilą́ąjį' hólǫ́ǫgo ádayósin da. Síilah.

⁴ Jó, Diyin God éí shíká análwo'ii nilį́; Bóhólníihii éí shii' sizíinii ha'ólníigo áyósinii nilį́.

⁵ Doo yá'áshóonii yee shi'ana'í k'éididoodlííł; éí nit'áá aaníinii bik'ehgo áníłdįįh.

⁶ T'áá shí íinisingo nááhániihígíí nich'į' nááhideeshnih. Bóhólníihii nílíinii, nízhi' bee naa hashniih doo, háálá éí yá'át'ééh.

⁷ Háálá ach'į' nidahwiiłnáanii t'áá ałtso bii'dóó hááshííłtį́, áádóó shida'ana'í bik'eh hodeesdlį́į'go yiiłtsą́.