PSALMS 43 - Navajo Bible

T'áá ákogi ájít'éego índa yisdá'iildéehii bíká sohodizin

¹ Diyin God nílíinii, shaa nánít'įįhgo t' áá ákogi ájít'é shá bidiní, índa dine'é doo Diyin God k'ehgo ádaat'éii shaa nídaat'ínígíí bik'ijį' shá agha'dít'aah; diné bina'adlo'go doo t'áá ákogi át'éii bits'ą́ąjį' yisdáshíłteeh!

² Háálá ni Diyin God éí shá adziilii nílį́. Ha'át'íí biniinaa doo shininizį́į' da? Ha'át'íí biniinaa ana'í ade ádahósingo bik'ee yínííł naasháa doo?

³ Nits'ą́ą́dę́ę́' adinídíinii índa nit'áá aaníinii bee i'díłdlaadgo bíni'dii shiyoołááł; nidiyingo dah yisk'idgi kééhót'į́įjį' bíni'dii shił iikááh.

⁴ Áko lą́ą índa Diyin God bibikáá' náá'iiniihí baa deeshááł; Diyin God t'áá íiyisí bee shił hózhóonii baa deeshááł. T'áá aaníí, Diyin God, shiDiyin God nílíinii, tsin tł'óół bąąh daneelzhee'go bee nida'a'néii bee naa hashniih doo.

⁵ Shii' sizíinii nílíinii, ha'át'íí lá bąą doo nił hats'íid da? Áádóó ha'át'íí lá bąą ádił nitsééníltłi'? Diyin God bee nił chohoo'į́, háálá shíká análwo'go shił hózhǫ́ǫgo ánáshoodlíłígíí éí shiDiyin God baa nááhásh'niih doo.