PSALMS 150 - Navajo Bible

Bóhólníihii baa dahohniih

¹ Bóhólníihii baa dahohniih! Diyin God bikin bii' sohodizin góne' baa dahohniih; Bóhólníihii bibee adziilii bee yádiłhił biyi'di hasht'eyiilaii bee baa dahohniih le'!

² Yaa naayáii ayóó ádaat'éii bee baa dahohniih; ts'ídá aláahgo ayóó át'éhígíí bik'ehgo baa dahohniih!

³ Deenásts'aa' bidee' bee í'dílzoołí diits'a'go baa dahohniih; tsin tł'óół neeznáá bąąh daneelzhee'go bee nida'a'néii índa tsin tł'óół naakits'áadah bąąh daneelzhee'go bee nida'a'néii bee baa dahohniih!

⁴ Da'ołzhishgo ásaa' yigádígíí áádóó tsin tł'óół bąąh daneelzhee'ígíí ał'ąą ádaat'éii índa tsin bee í'dílzoołí bee baa dahohniih!

⁵ Béésh ahídí'niłii diits'a'go, béésh ahídí'niłii ayóó íits'a'go bee baa dahohniih!

⁶ Bíni'dii nídídzihii nináneel'ą́ąjį' t'áá ałtso Bóhólníihii yaa dahaniih le'! Bóhólníihii baa dahohniih!