PSALMS 15 - Navajo Bible

Diyin God bidził hodiyingi kéédahat'íinii

¹ Bóhólníihii nílíinii, háishą' niníbaal bii' hodílzinii yii' hólǫ́ǫ doo? Háishą' nidził hodiyinii yikáá' kééhat'į́į doo?

² Ts'ídá t'áá ákóne' át'į́įgo yigáałii, índa t'áá ákogi ááníiłii, áádóó bijéí tł'ááhdę́ę́' t'áá aaníinii yee yáłti'ii lą́ą;

³ éí doo t'áá áhoodzaagóó aa halne' da, índa bił kééhat'íinii doo yich'į' bąąhági ánéeh da; yił kééhat'íinii nidi doo yich'į' aseezį́ nidzin da.

⁴ T'óó baa'ihgo nitsíkeesii éí doo bił nilį́į da, nidi Bóhólníihii deidósinii bił nilį́. Azhą́ bik'ee ti'hojooníih nidi, bee nihojii'aahígíí baa nijighá.

⁵ Ínáoltą'í biniyé bibéeso doo a'í'aah da łeh, áádóó diné doo ádihodiilt'i'ii bąąhági át'éii yaa nídóot'įįł biniyé aa yílyéii doo néidiilée da. Kót'éego jiináanii doo nahjį' hahodi'doolt'eeł da.