PSALMS 146 - Navajo Bible

Bóhólníihii t'áá ákogi át'éego ááníiłgi baa ha'niih

¹ Bóhólníihii baa dahohniih! Shii' sizíinii nílíinii, Bóhólníihii baa hóniih!

² Ni'níłdįįd bijį́įjį' Bóhólníihii baa hashniih doo. T'ah hinishnánídą́ą́' shiDiyin God baa hashniihgo bich'į' hashtaał doo.

³ Naat'áanii t'áadoo baa dadzíínóhłíhí índa t'áadoo áká oolyeed át'éii diné danilíinii t'áadoo baa dadzíínóhłíhí.

⁴ Biyol haalwo'go bí éí łeeyi' góyaa yileeh; t'áá éí bijį́ bintsíkees ádįįh.

⁵ Jéíkab biDiyin God nilíinii háká análwo'ii áádóó haDiyin God Bóhólníihii bee hoł chohoo'íinii éí hak'ihojidlí.

⁶ Éí yádiłhił índa nahasdzáán, tónteel índa bii' dahólóonii t'áá ałtso áyiilaa; éí hool'áágóó t'áá aaníinii nilį́.

⁷ Éí bide ádahólzinii t'áá ákogi át'éego yá k'éédoo'nííł áádóó dichin danilíinii ya'ałtso'. Bóhólníihii éí awáalyaaí ch'ééyii'nííł.

⁸ Bóhólníihii éí doo da'oo'íinii da'oo'į́įgo ánáyoodlííł, áádóó bąąh nidahwiikaadii chánah ánáyoodlííł. T'áá ákogi ádaaníiłii éí Bóhólníihii ayóó'ábó'ní.

⁹ Dé'éyóní danilíinii éí Bóhólníihii baa áhályą́; áłchíní bizhé'é ádaadinii áádóó asdzání bąąh ádahasdįįdii yíká análwo', nidi diné doo yá'ádaashóonii binahat'a' yits'ą́ą́' niyiiłchxǫǫh.

¹⁰ Bóhólníihii éí hool'áágóó bóhólníih doo, Záíyan nílíinii, niDiyin God oochííłgóó t'áá ałtso yá nant'áa doo. Bóhólníihii baa dahohniih!