PSALMS 142 - Navajo Bible

Ach'į' nahwii'náagi áká a'doolwoł biniyé sohodizin

¹ Chánahgo Bóhólníihii bich'į' sodeeszin; chánahgo Bóhólníihii néisiskan.

² Bee shide áhoot'éii t'áá ałtso bee bił hweeshne'; bee shich'į' nahwii'náanii binááł baa hweeshne'.

³ Shiníłch'i doo bidziil da yileehgo yishááłgóó nił bééhózin! Yishááłgóó łoh shiniyé nídeidees'į́į́' nít'éé'.

⁴ Shinish'náajigo déé'į́į́' nít'éé', áko t'áadoo ła' shaa ákoniizį́'í da. T'áadoo biniiłt'a nóshchéłí da; nádį́'ídi doo shináhodidzin da.

⁵ Bóhólníihii nílíinii, chánahgo nánooshkąąh, Biniiłt'aajį' anáníshchéehii shá nílį́ áádóó dahináanii bikéyahdi ni t'éí shíí' nílį́, dishní.

⁶ Chánahgo nánooshkąąhígíí shá baa nánít'į́, háálá shaa hojoobá'ígo áshi'diilyaa! Atídashił'íinii bits'ą́ąjį' yisdáshíłteeh, háálá shiláahgo ádabóodziil!

⁷ Nízhi' baa hashniih doo biniyé awáalyaadę́ę́' ch'ééshiníłt'e'! T'áá ákogi ádaaníiłii shinás'áa doo, háálá t'óó ahayóígóó yá'át'éehii shá baa nináádíídaał.