PSALMS 129 - Navajo Bible

Záíyan bida'ana'í bik'eh hodidoodleeł biniyé sohodizin

¹ T'áá biyázhí nishłį́į́dą́ą́' lą'ídi shich'į' nidahodziisnáá'. Háni'dii Ízrel k'ad kóní,

² T'áá biyázhí nishłį́į́dą́ą́' lą'ídi shich'į' nidahodziisnáá', nidi t'áadoo shik'eh dazdeesdlį́į' da.

³ Bee nidahwiildlaadí yee nidahwiiłdlaadígi át'éego shíígháándę́ę́' t'áá át'é bik'i nidzisk'ą́ągo ádashiilaa.

⁴ Bóhólníihii éí t'áá ákogi áánííł; diné doo yá'ádaashóonii bitł'óól yiyiizhgizh.

⁵ Záíyan deijoołxáii t'áá ałtso bíni'dii t'ą́ą́' anábidi'nólkaadgo t'óó baa yáhásinígi ádabi'dólne'!

⁶ Kin bighą́ą'di tł'oh t'ah doo nitsaa yileehgóó niiłnahígi ádaone' le';

⁷ éí ayizhii doo bílák'ee haidiłbin da índa tł'oh naadą́ą́' bida'atł'o'ii doo yinídoochxiłgo néididoołjoł da,

⁸ índa hą́ą́h hidikáahii éí, Bóhólníihii nik'ijidlí! Bóhólníihii bízhi' binahjį' nihik'idajiiniidlí! doo daaníi da.