PSALMS 128 - Navajo Bible

Bóhólníihii deidósinii bik'idahodzisdli'ii

¹ Bóhólníihii deidósingo yik'ehgo deíkáahii éí t'ááłá'í nítínígo bił dahózhǫ́!

² Níla' bee binishínílnishii bik'é adííyį́įłgo nił hózhǫ́ǫ doo áádóó nił yá'áhoot'éeh doo.

³ Nikin góne' ne'asdzą́ą́ éí ch'il na'atł'o'ii bineest'ą' bąąh náhoodleełii nahalin doo; áliv ádaałts'íísígo adaastsigo k'idoolyáhígíí nahalingo na'áłchíní nibikáá' adání yich'į' dah naháaztą́ą doo.

⁴ Jó, diné éí Bóhólníihii yidósinii kót'éego bik'ihojidlíi doo.

⁵ Záíyan hoolyéédóó Bóhólníihii nik'ijidlíi doo! Ni'ííníłdįįd bijį́įjį' Jerúsalemgi yá'áhoot'éehgo yíní'į́į le'!

⁶ Na'áłchíní áádóó banááda'áłchíní yidííłtsééł! Ízrel dine'é bitahgi hasht'ehodít'ée le'.