PSALMS 127 - Navajo Bible

Bóhólníihii bits'ą́ą́dę́ę́' t'áá ałtsoní oosą́

¹ Bóhólníihii doo kin íílééhgóó éí kin ádajiléhígíí t'áadoo biniyéhígóó bindajilnish; Bóhólníihii éí kin haal'áhígíí doo yaa áhályą́ą́góó t'áadoo biniyéhígóó ha'asíidii ha'dzisííd.

² Naanish biniyé yikáíhdą́ą́' náádii'nahgo índa doo hah nánítééhgóó éí t'áadoo biniyéhígóó ch'iyáán niyáanii bik'é ádił ninílníishgo át'é, háálá Bóhólníihii ayóó'áyó'níinii da'ałhosh nidi yik'ijidlí.

³ Shoo, Bóhólníihii éí áłchíní aa yiinííł, iishch'id bits'ą́ą́dę́ę́' ineest'ą' hach'į' nahalyéii át'é.

⁴ Diné hayóii k'aa' dah yoojihígi át'éego ániid naagháii ba'áłchíní hólǫ́.

⁵ Diné bik'aayééł k'aa' bii' hadeezbinígi át'éego bił hózhǫ́! Yah e'etiingi bik'ijį' danilíinii yił ałch'į' yádaalti'go doo t'óó baa yáhásinígi ádabidi'doolníił da.