PSALMS 124 - Navajo Bible

Da'ana'í bits'ąą yisdá'ooldee'go baa ha'niih

¹ Háni'dii Ízrel ádaaní, Bóhólníihii doo nihich'ijí nilį́į da nít'ée'go,

² diné nihidadiilkaal yę́ędą́ą́' Bóhólníihii doo nihich'ijí nilį́į da nít'ée'go

³ nihich'į' bádahazhchįįd yę́ędą́ą́' t'áá dahinii'náago adanihiisna' doo nít'éé',

⁴ tó áhásdįįd nahalingo ásiidįįd doo nít'éé', tooh nílínígíí nihik'i diilkǫ' doo nít'éé',

⁵ tó ádá náhálchįįhgo nihik'i ch'ídadziisxaal doo nít'éé'.

⁶ Bóhólníihii baa ha'niih, háálá biwoo' yee nihidoolghał nít'ée'ii doo yaa nihidiní'ą́ą da!

⁷ Tsídii yá nináda'a'niłii éí biloh bits'ą́ąjį' tsídii dah diit'a'ígi át'éego nihí bits'ádahineechą́ą́'. Łoh k'ínídláadgo nihí dah diijéé'!

⁸ Bóhólníihii éí yádiłhił índa nahasdzáán áyiilaii bízhi' bee dayíníijíigo nihíká análwo'.