PSALMS 122 - Navajo Bible

Jerúsalemgi hasht'ehodít'ée doo biniyé sohodizin

¹ Bóhólníihii bikin bii' sohodizin góne' yah adiikah, dashidííniidgo baa shił hóózhǫǫd!

² Jerúsalem honílyéii, nidáádadilkałgóó wóne'dóó nidasiidzį́.

³ Jerúsalemgi ahííshghahígo kin haal'áago ályaa.

⁴ Ákóde Bóhólníihii bidine'é Bóhólníihii bízhi' baa ahééh daznízin doo biniyé ałnáádajikah; éí Ízrel dine'é bá bee nihodeet'ą́.

⁵ Háálá ákwii David ba'áłchíní náás ahoolchíiłii dahwée'aah doo biniyé bikáá'dóó nidahat'áii nidaas'nil.

⁶ Jerúsalemgi hasht'ehodít'ée doo biniyé sodadołzin! Ayóó'ádanó'nínígíí bił ída'azįįd doo!

⁷ Ninaa ahééda'astł'in góne' hasht'ehodít'ée le'; aláahgo naat'áanii danilíinii dabikin t'áá ałtso dabiyi'góó t'áá ałtsoní bee áda'azįįd le'!

⁸ Shik'isóó índa kwá'ásiní danilíinii bá k'ad ádideeshniił, Nich'į' hózhǫ́ǫ le'!

⁹ Bóhólníihii nihiDiyin God bikin bii' sohodizin biniyé yá'át'éehii ná hásht'į́į doo.