PSALMS 120 - Navajo Bible

Na'adlo' bits'ąą áká a'doolwoł biniyé sohodizin

¹ Tsístł'asíyáago Bóhólníihii bich'į' ná'ooshkąąhgo sodeeszin, áko shich'į' ééhoosįįd.

² Bóhólníihii nílíinii, atsoo' bina'adlo'ii índa biyooch'íidgo yáłti'ii bits'ą́ąjį' yisdáshíłteeh.

³ Atsoo' bina'adlo'ii nílíinii, ha'át'íísh naa doolyééł? Haashą' náándi'doolnííł?

⁴ Ayóó át'éii bik'a' dadeeníinii índa gad bitsííd lą́ą.

⁵ Hatíhíláane' Mííshek kéyahgi tádíshnéhígíí biniinaa áádóó Kíídar dine'é biníbaal naaznilígíí bii' t'óó kééhasht'ínígíí biniinaa shich'į' yíiyá!

⁶ K'é yijoołáii bitahgi kééhasht'į́įgo t'áá íiyisí nízaadgóó ahoolzhiizh.

⁷ Shí éí k'é nísdzin, nidi haasdzihgo ana'daniidzįįh!