PSALMS 113 - Navajo Bible

Bóhólníihii éí a'ohgo ádaa nitsíkeesii ayóó át'éego íidoolíiłgo baa ha'niih

¹ Bóhólníihii baa dahohniih! Bóhólníihii bá naal'a'í danohłíinii, Bóhólníihii baa dahohniih! Bóhólníihii bízhi' bee dayínóhshíigo baa dahohniih!

² Kodóó áádóó ahool'áágóó Bóhólníihii bízhi' wójíigo baa ha'niih le'!

³ Ha'a'ááhdóó e'e'áahjį' Bóhólníihii bízhi' éí baa ha'niih biniyé át'é!

⁴ Bóhólníihii éí ał'ąą dine'é t'áá ałtso yiláahgo ayóó át'é, áádóó yee ayóó át'éii yót'ááh hiníláii biláahgo át'é.

⁵ Háishą' Bóhólníihii nihiDiyin God wót'áahdi hólónígíí bił ahijíłt'é?

⁶ Éí yaa ánát'įįhgo yádiłhił áádóó nahasdzáán yinéł'į́.

⁷ Badahojoobá'íii łeeshtahdóó néidiyiiłjeeh, áádóó hojooba' nahas'áanii łeeshch'iihtahdóó néidiyii'níiłgo

⁸ bidine'é yá naat'áanii danilíinii yitahdóó nidaháaztą́ągo ádeiile'.

⁹ Asdzání doo ałchíhígíí ba'áłchíní haleehgo bił hózhǫ́ǫgo bighan yaa áhályą́ągo ádeiile'. Bóhólníihii baa dahohniih!