PSALMS 110 - Navajo Bible

Bóhólníihii éí aláahgo naat'áanii nant'áago áyoolííł

¹ Bóhólníihii éí shiBóhólníihii áyidííniid, Nida'ana'í bik'i dííníl'eezgo ániishłaajį' shinish'náájí dah sínídá.

² Bóhólníihii éí Záíyandóó ne'ayóó át'éii naat'á gish yił dah doolnihgo ádidooniił, Ni'ana'í bitahgi nanít'á!

³ Bee nidziilii yit'íní ánéinil'įįhgo nidine'é t'áá bí ádeinízingo bił dahodiyingo hadadít'éego ch'íná'nééh. Nidine'é ániid nidaakai éí haiłkáahgo dahtoo' haleehígi ádaat'é.

⁴ Bóhólníihii ádee hadoodzíí', áádóó doo łahgo át'éego tsíńdookosgóó kóní, Melkízedek náá'iiłniihii nilíinii bik'ehgo hool'áágóó náá'iiłniihii nílį́.

⁵ Bóhólníihii ninish'náájí hólǫ́ǫgo t'óó báhádzidgo bibee até'él'íinii bik'íiníłką́ądi aláahgo naat'áanii danilíinii nihídeididoołtsxis.

⁶ Ał'ąą dine'é dabitahgóó ánihojii'aahgo bikédaayahgóó diné daneeznánígíí dabits'íís hadazhdidoołbį́į́ł áádóó kéyah t'áá níłtéél nít'éé' aląąjį' naazíinii nihídazdidoołtsxis.

⁷ Atiin bąąhgóó tó nílínígi ákwii tó jidoodlį́įłgo de dah jidínóot'ááł.