PSALMS 100 - Navajo Bible

Ahééh hwiindzin dooleełii bee hach'į' yáti'

¹ Nihokáá' dine'é nohłíinii, t'áá ánółtso Bóhólníihii bich'į' nídidohdla'go nihił nidahoozhǫǫh!

² Nihił nidahoozhǫǫhgo Bóhólníihii bá nidaał'a'! Dahohtaałgo bidááhdę́ę́' ninohkááh!

³ Bóhólníihii éí Diyin God nilį́įgo béédahonohsįįh! Bí ánihiilaa, t'áá nihí doo ádeiidzaa da; bidine'é niidlį́ áádóó bikéyah hootsogóó bidibé naakaígíí nidahoniidlin.

⁴ Ahééh danohsingo yah ada'iiztiin góne' yah adahohkááh, áádóó baa dahohniihgo bikin bii' sohodizin bił haz'ą́ągi nidahohkááh! Bich'į' ahééh danohsin; bízhi' baa dahohniih!

⁵ Háálá Bóhólníihii éí yá'át'éehii nilį́; aa a'ááh nízingo ahóyéel'á, áádóó ba'ahódlíi náás oochííłgóó t'áá ałtso bił ahóyéel'á.