JOSHUA 15 - Navajo Bible

Yáá'iilt'e' bik'ehgo Júdah dine'é kéyah baa deet'ą́

¹ Júdah dine'é ahii' háá'ahiyoolchíiłii bik'ehgo shádi'áahjigo Íídam kéyah bihoodzojį' t'áá Zin honoojíígóó shádi'áahjigo haz'ánígíí bíighahgo bíí' dooleełgo baa deet'ą́.

² Áádóó shádi'ááhjí bihoodzo dooígíí éí Tónteel Dók'ǫ́ǫzhii nineel'ánídóó, táłts'á hiníyínídóó hodeesdzo,

³ éí shádi'áahjigo hahoodzogo Akrábim báhátis, Zin honoojíígóó hodeesdzo áádóó Kéídesh-barníyají shádi'ááh góde índa Hézran kin shijaa' bíighahgóó, Ádar haz'áníjį' índa Kárka haz'áníjį' hodeesdzo,

⁴ áádóó Ázmangóó nááhoodzooígíí éí Ííjip tooh níłts'ą'ígíí bíighahgóó áádóó tónteel siyíníjį' nihoodzo. Díí éí shádi'ááhjí nihihoodzo dooleeł.

⁵ Áádóó Tónteel Dók'ǫ́ǫzhii siyį́įgo bee hoodzooígíí éí Jórdan tooh biih yílíníjį' éí ha'a'aahjígo hoodzo dooígíí át'é. Áádóó náhookǫsjí hoodzo dooígíí éí Tónteel Dók'ǫ́ǫzhii táłts'á hiníyínígi Jórdan tooh biih yílínídóó hahoodzo.

⁶ Áádóó éí Beth-hágla haz'ánígóó hodeesdzo áádóó Beth-áraba kin shijaa' náhookǫsjí hodeesdzo índa Rúben biye' Bóhan bitsé si'ání góde hodeesdzo,

⁷ áádóó Éíkor yíldzisdóó Dííber kin haal'áá góde hodeesdzo; kodóó náhookǫsjígo Gílgal haz'ánígóó hodeesdzo, éí Adámim báhátis shádi'ááhjí yíldzis binaashiijí hodeesdzo, áádóó Enshíímesh tó háálínígóó hodeesdzo índa Enrógel tó háálíníjį' nihoodzo,

⁸ áko Hínam biye' bikéyah yíldzis bíighah góde éí Jííbas kin haal'áhígíí shádi'ááhjígo hodeesdzo; t'áá éí Jerúsalem hoolyé, áádóó e'e'aahjígo Hínam yíldzis binaashii dziłígíí bighą́ą́' góde hodeesdzo, éí náhookǫsjí yé'iitsoh biyíldzis nineel'ánídi át'é,

⁹ áko dził bighą́ą́'dę́ę́' hoodzo dooígíí Neftówah tó nílíníjį' hodeesdzo, éí áádóó Dził Íífran kin hadaas'áajį', áádóó Béíyala kin haal'áajį' hodeesdzo; t'áá éí Kírjath-jíyarim hoolyé,

¹⁰ áádóó éí hoodzo dooígíí Béíyala kin shijaa'dóó e'e'aahjí Dził Síyerjį' hodeesdzo áádóó Dził Jíyarim náhookǫsjí hodeesdzo; t'áá éí Késalan hoolyé áádóó Beth-shíímesh kin shijaa' góyaa índa Tímnah kin shijaa' bíighahgóó hodeesdzo;

¹¹ éí Ékran kin haal'áii náhookǫsjí dah yisk'idíjį' hodeesdzo áádóó Shíkeran kin shijaa'jį' hodeesdzo áádóó Dził Béíyala kin haal'áajį' áádóó Jábniyel kin shijaa'góó hodeesdzo índa tónteel siyíníjį' hodeesdzo.

¹² Áko e'e'aahjí hoodzo dooígíí éí ayóó át'é tónteel siyínígíí bibąąhgóó hodeesdzo. Díí éí Júdah dine'é ahii' háá'ahiyoolchíiłii bik'ehgo bináhásdzo.

Kéíleb éí Hííbran áádóó Dííber kin haal'áii yisná

¹³ Jiifáneh biye' Kéíleb éí Júdah dine'é bitahgi Jáshowa wolyéii kéyah ła' haidiní'ą́; Bóhólníihii éí Jáshowa yich'į' t'áá ákót'éego yee haadzíí'; éí Éínak dine'é Árba wolyéii bizhé'é bikin haal'áii Hííbran hoolyéii yeidiní'ą́.

¹⁴ Áko Kéíleb éí Éínak biye'ké tált'éhígíí Shííshai áádóó Aháíman índa Tálmai haa ch'éheezhjéé'; díí Éínak ya'áłchíní danilį́.

¹⁵ Áádóó dashdiiyáago Dííber kin haal'áagi kéédahat'íinii bich'į' anaa' hodzisłį́į́'; kin haal'áii Dííber hoosye'ígíí bítséedidą́ą́' Kírjath-síífer hoolyéé nít'éé'.

¹⁶ Áko Kéíleb ání, T'áá háiida Kírjath-síífer yich'į' anaa' hasłį́į'go bik'eh dzideesdlį́'ígíí éí shitsi' Áksa hwe' asdzą́ą doo biniyé haa deeshtééł.

¹⁷ Áko Kéíleb bik'is Kíínez biye' nilíinii Áthniyel éí ak'eh deesdlį́į'go Kéíleb bitsi' Áksa éí Áthniyel be'asdzą́ą dooleeł biniyé hainíłtį́.

¹⁸ Áádóó ákódzaago asdzání éí Áthniyel yaa níyáago náyookąąhgo ání, Shizhé'é kéyah ł a' bíídííkił. Áádóó éí asdzání bitélii yik'i nááyáago Kéíleb ábíłní, Ha'át'íísh nínízin?

¹⁹ Áko ábizhdííniid, Shik'ijiinídliih; jó, shádi'ááhjí kéyah hóółtseii shaa dííní'ą́; tó hadaazlį́įgi ałdó' łahgo shaa nááhodidíí'ááł. Áko Kéíleb éí wódahdi áádóó wóyahdi tó hadaazlį́į́góóígíí haidiní'ą́.

Júdah dine'é bikin hadaas'áii

²⁰ Díí íí' dooleełii Júdah dine'é ahii' háá'ahiyoolchíiłii bik'ehgo bíí' daazlį́į́'.

²¹ Wózhǫ́ shádi'ááhjígo Júdah dine'é bikin hadaas'áii éí Íídam kéyah hoodzo bich'į'goígíí éí kódahoolyé: Kábziyel, Ííder, Jéígar,

²² Kíína, Daimóna, Adéída,

²³ Kíídesh, Héízar, Íthnan,

²⁴ Zif, Tíílem, Bíyalath,

²⁵ Héízor-hadátah áádóó Kííriyath-hézran, t'áá éí Héízar hoolyé,

²⁶ Éímam, Shííma, Móladah,

²⁷ Héízar-gáda, Héshman, Beth-péílet,

²⁸ Héízar-shúwal, Bíyer-shííba, Bizjáthjah,

²⁹ Béíyala, Áíyim, Íízem,

³⁰ Eltólad, Kíísil, Hórmah,

³¹ Zíklag, Madmána, Sansána,

³² Lebéíyath, Shílhim, Áyiin índa Ríman; t'áá át'égo bikin dah naazhjaa'ígíí t'áá bił naadiin náhást'éigo kin hadaas'áii Júdah dine'é bíí' daazlį́į́'.

³³ Áádóó dzígaigi kin hadaas'áii kódahoolyé: Éshteiyal, Zóriyah, Áshma,

³⁴ Zanówah, Engánim, Tapúwah, Íínam,

³⁵ Jármath, Adálam, Sóko, Azííka,

³⁶ Sharéíyim, Adithéíyim, Gedíírah índa Gedíírah-théíyim; éí bikin dah naazhjaa'ígíí t'áá bił dį́į́'ts'áadahgo kin hadaas'áii ałdó' Júdah dine'é bíí' daazlį́į́'.

³⁷ Áádóó Zíínan, Hadásha, Mígdal-géed,

³⁸ Díliyan, Mízpeh, Jákthiyel,

³⁹ Léíkish, Bázkath, Églan,

⁴⁰ Kában, Lámam, Kíthlish,

⁴¹ Gedíírath, Beth-déígan, Néíyamah índa Makíídah; éí bikin dah naazhjaa'ígíí t'áá bił haastą́'áadahgo kin hadaas'áhígíí ałdó' Júdah dine'é bíí' daazlį́į́'.

⁴² Áádóó Líbna, Ííther, Éíshan,

⁴³ Jífta, Áshna, Níízib,

⁴⁴ Kii'áílah, Ákzib índa Maríísha; éí bikin dah naazhjaa'ígíí t'áá bił náhást'éigo kin hadaas'áhígíí Júdah dine'é bíí' daazlį́į́'.

⁴⁵ Áádóó Ékran kin haal'áii, bikin dah naazhjaa'ígíí t'áá bił;

⁴⁶ Ékrandóó tónteel siyíníjį', t'áá át'é Áshdad kin haal'áii bíighahgóó éí bikin dah naazhjaa'ígíí t'áá bił.

⁴⁷ Áshdad kin haal'áii, bikin dah naazhjaa'ígíí t'áá bił; Géíza kin haal'áii, bikin dah naazhjaa'ígíí t'áá bił; Ííjip tó nílíníjį' índa ayóó át'é tónteel siyínígíí bibąąhgóó kin naazhjaa'ígíí t'áá bił Júdah dine'é bíí' daazlį́į́'.

⁴⁸ Áádóó dziłgo nahaz'ánígóó kin hadaas'áii kódahoolyé: Shéímer, Játer, Sóko,

⁴⁹ Dána, Kírjath-sána, t'áá éí Dííber hoolyé,

⁵⁰ Éínab, Éshtiimoh, Éínim,

⁵¹ Góshen, Hólan índa Gáílo; éí bikin dah naazhjaa'ígíí t'áá bił ła'ts'áadahgo kin hadaas'áhígíí Júdah dine'é bíí' daazlį́į́'.

⁵² Áádóó Árab, Dúmah, Éshiyan,

⁵³ Jéínam, Beth-tapúwah, Afííkah,

⁵⁴ Hámtah áádóó Kírjath-árba, t'áá éí Hííbran hoolyé índa Záíyor; éí bikin dah naazhjaa'ígíí t'áá bił náhást'éigo kin hadaas'áhígíí Júdah dine'é bíí' daazlį́į́'.

⁵⁵ Áádóó Méíyan, Kármel, Zif, Játah,

⁵⁶ Jézriyel, Jákdiyam, Zanówah,

⁵⁷ Kéin, Gíbiyah índa Tímnah éí bikin dah naazhjaa'ígíí t'áá bił, t'áá éí neeznáá kin hadaas'áhígíí Júdah dine'é bíí' daazlį́į́'.

⁵⁸ Áádóó Hálhal, Beth-zer, Gíídar,

⁵⁹ Méíyarath, Beth-ánath índa Éltiikan; éí bikin dah naazhjaa'ígíí t'áá bił hastą́ągo kin hadaas'áhígíí Júdah dine'é bíí' daazlį́į́'.

⁶⁰ Áádóó Kírjath-béíyal, t'áá éí Kírjath-jíyarim hoolyé índa Rábah; éí bikin dah naazhjaa'ígíí t'áá bił naakigo kin haal'áhígíí ałdó' Júdah dine'é bíí' silį́į́'.

⁶¹ Áádóó honoojíidi Beth-áraba, Mídin, Siikéíkah,

⁶² Níbshan áádóó Áshįįh kin haal'áii índa Engíídai; éí bikin dah naazhjaa'ígíí t'áá bił hastą́ągo kin hadaas'áhígíí ałdó' Júdah dine'é bíí' daazlį́į́'.

⁶³ Nidi Júdah dine'é éí Jííbas dine'é Jerúsalem kin haal'áagi kéédahat'ínígíí baa ch'ídahidoojahígíí doo yídaneel'ą́ą da; éí bąą díí jį́įjį' Jííbas dine'é éí Júdah dine'é yił Jerúsalem kin haal'áagi kéédahat'į́.