Sam 67 - Natqgu

Sam Kranzpnu-esz'mz-nrade-rlimz (67) Lr Nrlc Naglqpxlr Gct

¹ Gct, nayc mz drtwrm nigr, Mz nzamrlz-krm x nzokatr-krm nigr.

² Murde lr nrlc nakrlz-zpwxlr nqmq krm Mz nzarlapx-krm nigr.

³ Mrlz neidung amrlx nzglqpx-krdr nim, X na-awi-ngrbzlr bam!

⁴ Mrlz lr mrkzbleng amrlx nzangrlvz-krdr nim, Murde nzaclve-krm nidr tubq mz nzmailz-krm.

⁵ Mrlz neidung amrlx nzglqpx-krdr nim, X na-awi-ngrbzlr bam!

⁶ Gct rgu amrlzle nigu, Mz nzrkqlzngr dakxnzng.

⁷ X sa na-amrlz-zvzle nigu, Murde leplz amrlx na-amrluelr nide.