Sam 5 - Natqgu

Sam Kranzlvqn (5) Nivz Lrm O-ngalelvzle Nigr Nzkrka'ngr

Nabz ne Devet kx yrbzle mz kxrmailz ngr dzbe kxnzngrng.

^1-2 Yawe, nim King x Gct rnge. Rlxtibo bam kx naxlrme natqnge, X na-aoti kz drtwrm, mz nzatutr-krm nzkrka'-krnge.

³ Kxetu, mz nourla kang kqlu natqnge sa navzbz bam. X nakrka'-zvzbo bam, mz nzaenzli-krbo natqm kxmrlz.

Kxdrka'-ngrng

⁴ Yawe, trnginipqu Gct kx abrtzlvzle da kxtrka. X trmnc-lxblrwamuu mz kxdrka'-ngrng.

⁵ Leplz kx nzglqpx-lzbqng trtxpnzngr nzmnctr-krbzlr bam, Murde rblxbz mz leplz kx mrlz-zvzbz badr nzale-krdr alwx nztutr-krbzlr mz mzpq.

⁶ Odatiq kxnzpokiang, X obqszo-zvzq kxnzrnibqng x kxnzesabrting.

Kxnztubqng

⁷ A' mz nzaodu-zvz-krm, delc navztr-ngrne Mangr-nzangiongr nim, X nayrngzobo mz nzamatqngr nim.

⁸ Yawe, mailz ninge mz nqmq krm kxtubq, murde enqmi rnge nzkqlu-zlwzng. X aelwa-zpwx-ngrm bange me pnz drtwrm.

Kxdrka'-ngrng

⁹ Da angidr trvzpxpuu mz nao enqmi rngeng. Murde mz nabzdr la nzodatingr txpwz. X mz nzycmne-krdr nzmailzlr leplz Mz nzbatr-krbzlr nzbz-krdr esz'-krdr.

¹⁰ Gct, plzpx alwx ngrdr x ayrplapx nidr, Mz nzprtz-mou-krdr mz trtxki scdr. Mapulrpxngr nidr mz nzkqlukr alwx ngrdrng, Murde nzpxtxpx-zvz-ngrdr nim.

Kxnztubqng

¹¹ A' leplz amrlx kcng tzabrtrpzlr drtwrdr bam na-abrtzng. X nangr-along mz nzelalz-krm drtwrdr. Aclve-angidr kxnzmrlztilr nim Murde nabilvzlr nim.

¹² Yawe, amrlz-zvzq kxnztubqng. X nivz lrm o-ngalelvzle nidr Mz nzapu-krde temz ngr lomrdr kc tqyrputrngr nipna.