Sam 47 - Natqgu

Sam Kranzpnu-pwx-nrade-rlimz (47) Yawe Kc Tqmyatxlz-esz'ngr Naglqpxku Yawe

Nabz ne nqvi lr Kora.

¹ Nigu leplz amrlx na-ayrlewzku da Mz nzngr-abrtz-kato-krbzku mz Yawe, Gct rgu.

² Murde na-amrlueku nide kc tqmyatxlz-esz'ngr, Mz nzngini-krde King kxmatq kc tqaclvele nrlc.

³ Batrpzle nzaovxio-krgu lr mrkzbleng, Mz nzmnclz-krmlr bagu.

⁴ Nigu leplz ngr nqvi lr Jekop kcng tqmrlzting Yawe, Bilvzpeku drtc' kc tqmcpxbzle nangi nyzgu.

King Rgu

⁵ Mzli kc Yawe tqwxbuo-ngrmle mz tron nyzde Mangr-nzangiongr, Sc tqrvxupeku trpu x tqmalq-katopeku mz nzabrtzlvz-krgu nide.

⁶ Nangr-katobzku mz Yawe Gct rgu. Murde nide King rgu, nangr-katobzku bade.

⁷ Naglqlzku nide mz nabz kxyrlvi, Murde nide King r nrlc tulvzo.

⁸ X wxbu mz tron kxtr nyzde, Mz nzaclve-krde neidu amrlx.

⁹ Kxnzmailzlr lr mrkzbleng nzaxvctr-lzbqmqng bagu, nigu leplz neng Gct r Ebraam. Murde Gct kc tqmyatxlz-esz'ngr myaszpxle king amrlx mz nrlc.