Sam 26 - Natqgu

Sam Kranzpnu-li-nrade-esz'mz (26) O-zli-zvzx Nzti Kxtubq

Nabz ne Devet.

¹ Yawe, pipxbz kx ninge ncblo kx nabzde lq. Murde o-zli-zvzx nzti kxtubq, X abrtr-zvzbo drtwrnge bam.

² Obqtr angidr mz nabznge, X mc kxmu nzvzkr nqmq nr drtwrnge.

³ Murde nivz lrm rtwayz-zvzm bange, X nzaodu-krm mailz-zpwxle ninge.

⁴ Traodu-lzbqkru badr leplz kxnztrkang. X trabrtzlvzwxu kxnzpokiang.

⁵ Pxtxpx-ngrne nzngi-te-krgr badr kxnzaleng alwx. X drtqnge sa nzmnc-krgr badr kxdrka'-ngrng.

⁶ Yawe, ycpqx mqnge mz nzvz-nqblq-krnge Loukxtr scm, murde natubqbo mz nzobq-krm, X naprtrpo mz leplz nemqng mz nzvz-ngale-krgr olta nyzm.

⁷ X ngr-ngrgr nabz ngr nzawingr Mz nzale-krm da kxmrlzvxiting.

⁸ Mrlzm bange Mangr-nzangiongr nim, Mrkc tzmcngr nzmyalz-krm.

^9-10 Mz nzmilxtxo-krm leplz kcng tztakitrdr nzayrplapxngr, Bzkq apusr-ngrn ninge kxnzaleng alwx, x kxnzrnibqng, X kxdrka'-ngrng kcng tzrtwz-zvzng dalr nzamcti-rbrngr,

¹¹ Murde o-zli-zvzx nzti kxtubq. Ycngr mz drtwrm x arlapx ninge.

¹² X sa naglqlz-ngrne nim mz mzlir leplz nemqng Murde tu-zvzme mz nibrnge x tubqbo mz nzobq-krm.