Sam 23 - Natqgu

Sam Kranzpnu-li-nrade-tq (23) Kxaclve Sip

Nabz ne Devet.

¹ Yawe, aclve-zvzq ninge apux sip nem. X trtxpnzngr da kx mnctxpx-ngrne.

² Mailz-zvzq ninge me ycngr lue x dakxnzng, Murde na-amax mrkc tqycngr nrwx.

³ Amrnaq nzlu-krnge. X aelwa-zvz-ngrme lrpzki kxtubq, murde drtqm tr zlwz.

⁴ Nctoko scm tzmle nzti bange. X bz scm abrmle drtwrnge mz da kx prtz. Kxmule-esz' vztrx mz nzlo, a' trtxpnzngr da kx namwxlrtix. Murde nim Yawe, kc tqmncme bange.

⁵ Alebzme nange dakxnzng, Mz mzlir enqmi rngeng. Aelubzme narnge tolo, X drtwrnge elalzm.

⁶ Krlz-angidrx kx sa naka-zvzme bange zmrlz ngrm x nivz lrm, X sa namnc-zvzx ma nyzm.