Sam 15 - Natqgu

Sam Kranzpnu-esz'-nrade-nzlvqn (15) Doa Kx Tubq Mz Nzobqkr Gct

Nabz ne Devet.

¹ ?Yawe, neke navztrpz Mangr-nzangiongr nim? ?X neke takitrde nzangio-krde mz newz kxtr nyzm?

² Doa kxmule lc nabzde nalqngi. Nqmq krde natubq. X natqde nangi da angidr.

³ A' bzkq rpibqti leplz. Bzkq atrkatile kztede. X bzkq pikitile kxnzesotrpzng bade.

⁴ Napxtxpx-ngrde kxdrka'-ngrng. A' na-amatqle kxnzamrluelr Yawe Gct. Na-atutr-zvzle nzesalz-krdeng, Kxmule-esz' rblxbz bade.

⁵ Narlxtile kxnzrbilqngr kx takitrde trau scde kc tqrlrpx-ngrde. Bzkq pokiatitrle mrlx kxtubq, Kxmule-esz' leplz nzrpilr naxpelr nide. Doa kx vz-nqblqle natq lcng sa natu-amqngi zvz.