Sam 143 - Natqgu

Sam Kratrtqki-esz'-nzpnu-pwx-nrade-tq (143) Nzadwatrlr Ninge Mz Nzlo Xlrm Nzkrka'-krnge

Nabz ne Devet.

¹ Yawe, xlrm nzkrka'-krnge x ayzlum natqnge, Murde tubq-esz'ngrn x angidati-zvzq.

² Bzkq ayrplapxq ninge, kxnzawz nem, Murde trpnzngr leplz mz nrlc kxtubq mz nzobq-krm.

³ Enqmi rngeng nzmaneutilr ninge x nzrnzbrtiolr ninge mz drtc', X nzadwatrlr ninge mz nzlo, apux kxbz kx mnclzm mz gq.

⁴ Nabznge baonepe, X talvzo zlwz.

⁵ A' amqtrx drtwrnge mz nzaotikr drtwrnge zbq kcng tqvztxpeng. X dcpx mz drtwrnge da kxnzkctipxng kcng tqalemeng bagr.

⁶ Delc tqglalz-ngrbo mqnge bam, Murde brlxkztitx zlwz drtwrnge nim.

Ayzlum Natqnge

⁷ Yawe, ayzlu-anim natqnge murde nabznge baonepe. Bzkq rlaszq ninge, murde ma tqbzx.

⁸ A' pi-zvzm bange mz rngalx kang kqlu kx aodu-zvzq ninge, Murde abrtrpo drtwrnge bam. X mailz ninge mz lrpzki kx nao-zlix, Murde mnc-xgle-zvzx nim.

⁹ Yawe, bzkq rlr-ngrbzme mz enqmi rngeng nzlolvz-krdr ninge, Murde nim me rlakitrx.

¹⁰ Gct rnge, alvztrp bange nzale-krnge me pnz drtwrm. X rtwayzm bange mz zmrlz ngrm, murde namnc-zpwxx.

¹¹ Yawe, arlapx ninge da kc tqwai nzpi-krmle murde ma tqbzx. X tum mz nibrnge mz nzkxpu-krngeng amrlx, murde tubq-esz'ngrn.

¹² Lolvzting enqmi rngeng x milxtxo alo nidr. Murde aodu-zvzq ninge, kxnzawz nem.