Sam 142 - Natqgu

Sam Kratrtqki-esz'-nzpnu-pwx-nrade-li (142) Aopxbz Drtqnge Mz Nzkxpu-krngeng

Nabz ne Devet mzli kc tqmncpx-ngrmle mz butqbr.

¹ Yawe, yrni-katobo bam, Murde naokatrq ninge.

² X pibo bam da kx lctr-ngrbz drtwrnge, X nzkxpungr kcng tqprtzmqng bange.

³ Kxmule-esz' nabznge baonepe, a' nim kc tqrtwayz zvz mz nzvz-krnge. Murde enqmi rngeng nzryrlq-kapqpeng trtxki mz lrpzki rnge.

⁴ X kx obq-ngalex kc nrlc, trpnzngr kx mcx kx naokatrle ninge, X trpnzngr kz kx na-aclve-zpwxle ninge.

⁵ Yawe, kqlex nim, Murde nim me rlakitrx, x nim nou nzmnc-zpwx-krnge.

⁶ Ayzlum natqnge Murde nabznge talvzo zlwz.

⁷ Aopxbz drtqnge mz nzkxpu-krngeng murde na-awibo bam, X kxnztubqng natu-ngalelvzlr ninge mz nzglqlz-krdr nim mz nzamrlz-zlwz-krm ninge.