Sam 131 - Natqgu

Sam Kratrtqki-esz'-nzpnu-tq-nrade-esz' (131) Apux Doa Kx Yrpz Lxede

Nabz ne Devet kx nzngrnelzngr Jerusalem mz nzangiongr.

¹ Yawe, trglqpx-lzbqpc'u bam, mz nzvz-lvi-krnge bz kc tqyrlqme bange. X tramatq-lzbqwxu murde naprtrpo mz kxnzetung mz nzycmnetr-krdr mz da kxmyaszpxle nzrkrlz-krnge.

² Murde abrtz-ngrne nzapu-krnge doa kxtopwz kx yrpz lxede. Delc tqmnc-zpwx-ngrne mz nrlc.

³ X nigu lr Israel navz zvz nzabrtr-krbzku drtwrgu mz Yawe, Murde namnc-zpwx-kzku.