Sam 129 - Natqgu

Sam Kratrtqki-esz'-nzpnu-li-nrade-rpwxmz (129) Enqmi r Lr Israel

Nabz kx nzngrnelzngr Jerusalem mz nzangiongr.

¹ Nigu lr Israel nadcpx mz drtwrgu kx enqmi rgung nzatrkatilr nigu Yzuo mzli kc tqpipzbe-ngrgu mrnyzgu.

² A' kxmule-esz' enqmi rgung nzatrkati-zlwzlr nigu, Yzuo mzli kc tqpipzbe-ngrgu mrnyzgu, a' trnzaovxio-pnzlru nigu.

³ X kxmule-esz' nzikla-zlwzlr nigu, X bzmrde mnz-aboitxtr-alom mz nibrgu,

⁴ A' Yawe kc tqtubq-esz'ngr, Aopxpebzle drtqgu mz mqdr.

⁵ Delc Yawe, nigr lr Saeon rlxtibzkr bam, nzmaneutipx-krbzme enqmi rgrng amrlx, Murde drtqdr namyatx-zlwzng.

⁶ X ayangrnga nidr Mzli lc tztopwzbe-ngrdr.

⁷ Murde ma tqtakitrde nidr nzota-moungr, Nzmu enqmi rgr kc-kzng tzrlxtibzlr badr nzokatr-krdr nidr mz vea.

⁸ X bzkq rlrpx-ngrn nzrpi-krbz badr kx, “Amrlzkr nimu mz drtq Yawe!”