Sam 120 - Natqgu

Sam Kratrtqki-esz'-nzpnu-li (120) Ncblo Ngr Nrwx

Nabz kx nzngrnelzngr Jerusalem mz nzangiongr.

¹ Mzli kc tqmnc-ngrne mz nzkxpungr, kqlex Yawe, X ayzlu-ngrmle natqnge.

² Rpibo bade kx, “Yawe, arlapxbz ninge Mz leplz kxnzpokiang x nzesabrng.”

³ ?Nimu leplz kxnzpokiang, Krlzpeamu da kx nawaisrngr Yawe nimu?

⁴ Sa na-ayrplapx-zlwzle nimu Mz nipna sc ncblo ngr vea x mz nyr kxpq zlwz.

⁵ Nzmnc-lxblr-krgu trka-zlwzm bange, Apule kx mnckr badr leplz kxdrka'-ngrng.

⁶ Mzli boitx zlwz mnctibo bamu, Nimu leplz kcng tzpxtxpx-ngrdr nrwx.

⁷ Dekc mzli kc tqryapwxtr-ngrne mz nrwx, Suti alzu drtwrmu nzotangr.