Sam 101 - Natqgu

Sam Kratrtqki-esz'-nrade-esz' (101) Nztubqkr King R Israel

Nabz ne Devet.

¹ Yawe, nangr-ngrbo bam Nabz ngr da kxtubq x nzangidatingr.

² X namnc-nqblqx nztubqkr nqmq krm mz nzokatr-krm ninge. X nabznge nalqngi zvz mz nzmnc-krgr badr lr ma nyznge.

³ Tr-rlr-ngrpwc'u nzprtr-krm da kxtrka brma. X pxtxpx-ngrne krkcng tzesablqtilr nim.

⁴ Delc, nartctx-ngrne nqmq kr kxdrka'-ngrng, X nayrlqpx-lzbqnge mz da kxvz-rbr.

⁵ Sa narpwa'-ngrbo krkcng tzpikiti-awalr kxnzmnc-aepztrpzng badr. X kxnzglqpx-lzbqng trmrlzu mz nzobq-krnge.

⁶ A' kxnzlxngiti-zpwxlr nim nanginidr kztengeng, X kx nabzdr lqngi sa nawztrpqng bange.

⁷ A' krkcng tzesabrng x tzpokia-zvzng, Trtxpnzngr nzmnctr-krmlr bange.

⁸ Murde mz zbq kang kqlu sa nalolvztix kxdrka'-ngrng X namaszlrpx-ngrne nidr mz mzteadau nyzm.