लूका 3 - सत मारग पर चलन वारो किताब

योहन बप्तिस्मा देवन वालो को साजरो बारता

¹ तिबेरियुस को, सरकार को पांचवा साल होत्यो। कैसर को राज मा पोंतियुस पिलातुस, यहुदिया गलील को राजपाल होतयो। दोनी भाऊ, फिलिपी इतूरैया, तरखोनीतिस राज को राजा, अखीन लुसानियस, अबिलेने राज को, राजा होत्यो, अना गलील मा हेरोदेस राजा होतो।

² हन्ना अखीन काइफा, मुखिया याजक होतो। वोना दिवस मा, परमेस्वर को कव्हनो, सूनसान जघा मा जकरयाह को टूरा, योहन को कठा पहुचो।

³ उ यरदन नदी को आजू-बाजू को छेतर मा, घुम-घाम के न पाप छिमा, अखीन पाप लक मन हटाव, बप्तिस्मा, को बारे मा, परचार करन लगयो।

⁴ जसो भविस्यवक्ता यसायाह को पवीतर किताब मा लिख्यो से, “सून-सान जघा मा चिलावन वालो को आवाज। पिरभू को रास्ता ला तैय्यार करो! अखीन वोको रास्ता ला सीधो करो”

⁵ दुई टवरिया को बीच को खोदरा, भर दियो जाय, हर एक पहाड-पहाड़ी खाल्या करो। टेडो-टाडो रस्ता सिधो करो, उबड-खाबड रस्ता ला समान करो।

⁶ अना हरेक लोकगीन परमेस्वर को आतमा छुट्टकारा ला चोवयेत।

⁷ जोन लोक बप्तिस्मा लेवन ला आवत होतीन, योहन उनला कव्हत होत्यो, हे सरप को लेकरा कोन तुम्हीला सांगीसेस, की परमेस्वर को हिजरनो लक पराय जाओ।

⁸ आपरो मन ला पाप लक हटाय के पस्तावा करो, अना साजरो भई जाओ, अखीन साजरो-साजरो काम करो। तुम्ही आपरो मन मा असो मत सोचो, हमी अबराहम को खानदान को सेत। मि तुम्ही ला सांगासु, परमेस्वर ऐना गोटा लक, अबराहम को लाय, लेकरा जनमा सकसे।

⁹ अबा झाड़ को जड़ मा, टँगिया से। जो झाड़ साजरा फर नही देवासे, वोला काटपीट के ना, स्तो मा पेटाय दियो जाहेत।

¹⁰ तबा लोग गीन योहन लक पुसयो, तो हमि काजक करबीन?

¹¹ तबा वोना जवाब दियो, जोको कना दोन कुरता से, वोला देदो, जोन को कठा नहाती, अना जोन को कठा जेवन को सेत, वो भी वसोच करयेत।

¹² अना जमा पटानवारा अधिकारी गीन ओको जवर बप्तिस्मा-लेवन आइन, अखीन वोला पुछीन, गुरूजी हमला का करनो से सांगो?

¹³ तब योहन ना कव्हयो, जितरो ठहरायो गयोसे वोको लक जादा नोको लेवने।

¹⁴ सीपाहि गीन पुसन लगीन, अखीन आमरो लाय काजक हुकूम से? तबा उ सांगयो, कोनी लक पैसा नोको एठने। अखीन झुठो दोस नोको लगावने, पर आपरो तनखा मा जिन्दगी करो, घूस नोको लेवने।

¹⁵ जबा आस लगायके होतीन अना योहन को बारे मा आपरो मन मा सोच बिचार कर रही होतीन। का योच ता मसीह नहात?

¹⁶ यो काजी योहन कहीस, तुम्ही अपरो-आपरो मनमा काजक सोचसो, कही मी मसीह सेऊ? सच-मूच मा मी मसीह नही सेव। काहे का मि, तो तुम्ही ला पानी मा बप्तिस्मा देवासू, पर उ आवन वालो मसीहा, मोरो ले जादा ताकतवर से। मी वोको जूता को दोरी, खोलन को काबील नही सेव, उ तुम्हीला, पवीतर आतमा, अखीन स्तो लक बप्तिस्मा देहेत।

¹⁷ वोको हात मा सूपड़ो से, उ आपरी खरीयान ला साजरो रीती लक सफा करहे। अपरो गँहु ला कोठी मा जमा करयेत। अखीन भुसा-भासी ला, कभ्भू नही बुझन वालो स्तो मा, डाक देहेत।

¹⁸ योहन असो अजब-गजब उदाहरन समेत सिक्सा, जनता ला आयकावत होतो।

¹⁹ पर योहन ना राजा हेरोदेस ला, वोको भाऊ हेरोदियास बहू को बारे मा, अखीन वोको सब गलत काम को लाई, वोला बूरो-भलो ठासन लगयो।

²⁰ तब राजा ना, योहन ला धरवायके जेल मा डाक देईस। अखीन आपरो खोटो काम को, हद पार कर देईस।

यीसु को बप्तिस्मा

²¹ जबा सबा लोकगीन बप्तिस्मा लेईन, तबा यीसु भी बप्तिस्मा लेवन को बाद, परमेस्वर लक पिराथना करन लगीस। तबा बादल खुल गयो।

²² अखीन परेवा को देह जसो, पवीतर आतमा वोको पर उतर गयो, अखीन सरग लक यो आवाज आयो, तू मोरो चहेतो टूरा आस, मी तोरो लक गजब खुसी सेव।

यीसु को खानदान

²³ जब यीसु ना परमेस्वर को सेवा सुरु करीस। ओना बेरा उ तीस बरस को होतो। लोग ओला यूसुफ को टूरा समझत होतिन। यूसुफ एली को टूरा होतो,

²⁴ अखीन उ मत्तात को टूरा, अखीन उ लेवी को टूरा, अखीन उ मलकी को टूरा, अखीन उ यन्ना को टूरा, अखीन उ यूसुफ को, टूरा

²⁵ अखीन उ मत्तित्याह को टूरा, अखीन उ आमोस को टूरा, अखीन उ नहूम को टूरा, अखीन उ असल्याह को टूरा, अखीन उ नोगहा को टूरा,

²⁶ अखीन उ मात को टूरा, अखीन मत्तित्याह को, अखीन उ सिमी को, अखीन उ योसेख को, अखीन उ योदाह को,

²⁷ उ योहान को, अखीन उ रेसा को, अखीन उ जरुब्बाबिल को, अखीन उ सालतिएल को, अखीन उ नेरी को,

²⁸ अखीन उ मलकी को, अखीन उ अद्दि को, अखीन उ कोसाम को, अखीन उ इलमोदाम को, अखीन उ एर को,

²⁹ अखीन उ यहोसु को, अखीन उ एलीएजर को, अखीन उ योरीम को, अखीन उ मत्तात को, अखीन उ लेवी को

³⁰ अखीन उ सिमोन को, अखीन उ यहूदा को, अखीन उ यूसुफ को, अखीन उ योनाम को, अखीन उ इलयाकीम को

³¹ अखीन उ मेलेआह को, अखीन उ मिन्नाह को, अखीन उ मत्तात को, अखीन उ नातान को, अखीन उ दाऊद को,

³² अखीन उ यिसै को, अखीन उ ओबेद को, अखीन उ बोअज को, अखीन उ सेलह को, अखीन उ नहसोन को,

³³ अखीन उ अम्मीनादाब को, अखीन उ अरनी को, अखीन उ हिसरोन को, अखीन उ पेरेस को, अखीन उ यहूदा को,

³⁴ अखीन उ याकूब को, अखीन उ इसहाक को, अखीन उ अबराहम को, अखीन उ तेरह को, अखीन उ नाहोर को,

³⁵ सरुग को, अखीन उ रऊ को, अखीन उ पेलेग को, अखीन उ एबर को, अखीन उ सेलेह को

³⁶ अखीन उ केनान को, अखीन उ अरपछद को, अखीन उ सेम को, अखीन उ नूह को, अखीन उ लामेक को,

³⁷ अखीन उ मथूसेलह को, अखीन उ हनोक को, अखीन उ यारेद को, अखीन उ महल्लेल को, अखीन उ केनान को,

³⁸ अखीन उ एनोस को, अखीन उ सेत को, अखीन उ आदम को, अउर अखीन उ परमेस्वर को टूरा होतो।