गलातीयो 6 - खेरलो वचन नोवालो नियम

एका दिहरान मोदेक किरो

¹ एय बाय बोणहा, केदी एगदो माणुह एगदा गुना माय देराय बी जाय ताहार तुमू जा आत्मिक हेते, गेरबोड़ायी हेऱ्या ताह होमालो, एने तुमरी बी चोकसी मीलो काय तुमू बी पारेख माय नाय पोड़हो।

² तुमू एका दिहराह मोदेक किरो, एने इहकेरीन मसीन नेमाह पुरा किरो।

³ काहाकाय केदी एगदो माणुह कायच नाह एणेन बाद बी सोताह काह सोमजेह, ताहार सोताह दुको दिथे।

⁴ पुण एकेक माणुह तान कामाह पारखी, तेवी ताह दिहरान बाराम नाह, पुण तास ने बाराम गोमेंड केरनेन टेम जुड़ी।

⁵ काहाकाय एकेक माणुह तास ने बार विसणे जुवे।

⁶ जो वचनान हिक सापड़ावेह, तो आखी हाजी चिज माय हिकाड़णाराह गोवांद्यो बाणावी।

⁷ आपणे आपाह दुको मा आपो बोगवान फुगो नाह सुतो, तुमू तोच काटहो जो तुमू पिरहो।

⁸ केदी तुमू तुमरी सोबावीक आसान ईलाका माय पेरतेह, ते तुमू मोतीन पाक टुलो किरहो; केदी तुमू जीवान ईलाका माय पेरतेह, ते तुमू जीवा केरीन जेलेमक्यो जीवाय ने फोल काटी।

⁹ आपु हाजालो काम केरने माय आलह्याय नाय केरी, काहाकाय केदी आपु आरवाहो नाय, ताहार ठिक टेम पोर काटणी काटहु।

¹⁰ तानकेरता जाह वोर टेम जुड़ी आपु आखा हेऱ्या हाजो केरी, खास केरीन विश्वासी परीवार वाला बाय बोणहा हेऱ्या।

सेवली चेतावणी एने नमस्‍कार

¹¹ दिखो, मी कोहला मोटला मोटला अक्‍सरा माय तुमूह मारा आथा केरीन लिखेल हे।

¹² जा माणहे सारिरीक दिखलावो होदतेह तास तुमरो खेतना केरावणेन केरता दाबाव टाकतेह, फोक्‍तो ज्यानकेरता काय ता मसीन खुरूसखाम ने वोजेसे वेला नाय एणे जुवे।

¹³ काहाकाय खेतना केरावणारे सोता ते नेम पोर नाह चालते, पुण तुमरो खेतना ज्यानकेरता केरावणे होदतेह काय तुमरी सारिरीक देशा पोर मोठलाय केरी।

¹⁴ पुण ओहलो नाय एय काय मी दिहरी एगदी वातीन मोठलाय केरू, फोक्‍तो आपणो मालीक यीशु मसीन खुरूसखाम ने, जान द्‍वारा दुनिया मार नेजरी माय एने मी दुनियान नेजरी माय खुरूसखाम पोर चेड़ावाय जायेल हे।

¹⁵ काहाकाय नाह खेतना महत्व हे एने नाह विण खेतनान केदी महत्व हे, ते तो विण खेतनान।

¹⁶ जोला ज्या नेमा पोर चालती ता पोर, एने इस्राएल ने माणहा पोर बोगवानान सान्ती एने गीण ईती रेय।

¹⁷ एवी रेन माहु कुण तारास नाय देय, काहाकाय मारा सेरीर माय जो जेखेम हे, तो देखाड़ीह काय मी यीशुन पावोर हे।

¹⁸ एय बाय बोणहा, आपणो मालीक यीशु मसीन गीण तुमरा जीवा हिऱ्यो बोणीन रेय। आमेन।