Yoane 10 - Nouveau Testament en Ngombe 1961

Yesu Mobanei Mopele

¹ Mbi natɔndɔkɔ no na soti bo moto amiti kwea a modipe mohkutu libata, na akakwea a ekina njea etongo, adi oko mobi na mobengo.

² Yona okweaka a modipe adi oko mobanei obata.

³ Monjeli olikutu adipoaka ai yo. Bata bakaka kɔpi ende. Iyo abeaka bata bande mɛnɛ na kombe jibu, na amanaka a boso bobu.

⁴ Akameja bata bande mɛnɛ basusu, adalaka a boso bobu, na bata bamosusaka, mojɔ bo bakaka monɔkɔ monde.

⁵ Batasusa nongo mokɛndɛli; badi bomocia oko bocia, mojɔ bo bata’kaka minɔkɔ mibakɛndɛli.

⁶ Abala Yesu na bu mondɛ momina, baicingea nongo cina emojɔ mobala yo na bu.

⁷ Yesu abala na bu koko bo, Mbi natɔndɔkɔ no na soti bo, Mbi nadi modipe mobata,

⁸ Basusu baya badoa oko mbi napetakini doa badaka babi na mibengo; bata ko baibahokea.

⁹ Mhi nadi modipe. Moto akakwea na mbi âbela. Adi bokwea, na bomana, na bonɛ leka loboyaka.

¹⁰ Mobi adoaka oko a boba, na bowa, na bobeja. Mbi nadoi bo badae na bomɔ, bomɔ oko botɔ.

¹¹ Mbi nadi mobanei mopele. Mobanei mopele adi bogwa a mojɔ mobata.

¹² Yona odi oko mosali pɛ aditi nongo mobanei. Bata baditi bata bande mɛnɛ. Iyo akanɛ swa akadoe, akinaka bata na aciaka. Oko boa swa apeaka bata, na abananganejaka.

¹³ Iyo aciaka mojɔ bo adi oko mosali pɛ; t’alɛkɛ bata na soti.

¹⁴ Mbi nadi mobanei mopele. Najebaka bambi mɛnɛ, na bambi mɛnɛ bajebaka mbi

¹⁵ o ajebaka mbi Sango na ajebaka Sango mbi. Mbi napaka mohelo mombi a mojɔ mobata.

¹⁶ Nadi koko na bata batongo baya bacingiti na likutu di. Nadi bodoa na bu pongono, na bâka monɔkɔ mombi. Oko boa bwela bôda oko omɔci, na mobanei omɔci.

¹⁷ Sangwa’mbi adi na mbi ngɛnjɔ, mojɔ bo napaka mohelo mombi bo namosɛ koko.

¹⁸ Pɛpɛ nongo moto okatoaka mohelo mombi; namopaka mbi mɛnɛ. Nadi na kpaci bo namopɛ, na kpaci bo namotombe koko; mobeko mosɔ mbi ai Sangwa’mbi oko mu.

¹⁹ BaYuda basoa mosoo a mojɔ mobikenge bimina.

²⁰ Bakina babu babala bo, Iyo adi na mwembo mobe; adi na lilale; omohokeani mojɔ moye?

²¹ Bakina batongo babala bo, Ibi biditi nongo bikenge bimoto yona odi na mwembo mobe. Mwembo mobe modi bodipoa miso mabato baya bagwa miso?

Yesu a Yelusalema

²² Kola eBohɛngɛmɛ edaka a Yelusalema a edidi epio.

²³ Yana adaka Yesu akadale a tempelo a dɔngɔ dieseba eSɔlɔmɔ,

²⁴ BaYuda badoa na bamohika. Babala na nde bo, Okinaka so na mokakwano ekoka ye mojɔ moye? Tɔndɔ so a bohu isa wɛ odi Masiya.

²⁵ Yesu abasɔmbeja bo, Mbi natɔndɔ no, na otajimakani. Bilomu bikɔkɔ mbi a kombe eSangwa’mbi binejaka mojɔ mombi a bohu.

²⁶ Ino ko otajimakani, cina ho oditni bata bambi.

²⁷ Bata bambi bakaka monɔkɔ mombi. Mbi nabajebaka, na basusaka mbi.

²⁸ Mbi nabapaka bomɔ bua bodi na bosusu. Batagwa nongo, na pɛpɛ nongo moto ôbacinoa a ebɔ embi.

²⁹ Sangwa’mbi yona obapani anɔi basusu, na pɛpɛ nongo moto obwani bobacinoa a mɔmɔ maSangwa’mbi.

³⁰ Iso na Sangwa’mbi bodi oko omɔci.

³¹ BaYuda bandoa koko matai bo bamole matai.

³² Yesu abala na bu bo, Mbi nanejakabi no bilomu bipele binɛnɛ biSangwa’mbi Olakani mbi matai a mojɔ moekina ebilomu bitnina?

³³ BaYuda bamosɔmbeja bo, Iso bota’laka wɛ matai na cina eelomu epele, oko a mojɔ bo otangolaka Njambe. Mojɔ bo obalaka bo odi Njambe, wɛ yona odi oko moto pɛ.

³⁴ Yesu abasɔmbeja bo, Moisɔnɔmɔ a Mibeko minu bo? Mbi nabala bo odini banjambe.

³⁵ Isa yo ababea banjambe, oko baya basɔ Ebaeli eNjambe, (na Mosɔnɔ motakputoa)

³⁶ obalakani na mbi bo natangolaka Njambe, mojɔ bo nabali bo nadi Mwana ’Njambe, mbi yona ohɛngɛmɛ na Sango, na alomini a ngondo?

³⁷ Isa mbi nitakɔkɔ bilomu biNjambe, t’ojimeni oko mbi.

³⁸ Isa ko nabikɔkɔ, jimani bilomu bimina isa ojimitini mbi mɛnɛ, bo ojebeni na ojimeni bo Sango adi a tei embi, na mbi a tei ende.

³⁹ Bakenga koko bo bamopee, yo ko apinoa a mɔmɔ mabu.