Yakobo 3 - Nouveau Testament en Ngombe 1961

Eleho a Mojɔ Momonɔkɔ

¹ Baninga bambi, T’ojimeni oko bo banɛnɛ banu badae bakoja. Mojɔ bo ojebakani bo so baya bakojaka bodi bosamba na esambi epipo.

² Iso basusu bodi na mabunga manɛnɛ. Isa moto aditi nongo na libunga a ebaeli ende, adi moto mobɔngɔke mɛnɛ yona odi na ngulu bo asangbindee mokuku mosusu.

³ Bokasa bibende a minɔkɔ mipunda bo basume so, bodi bohekoja mikuku Mibu misusu.

⁴ Lɛni masua pongono; nongo makada manɛnɛnɛ na mahudamaka na pwea jipipo, madi bohekoa a mojɔ moyenda ekɛkɛlɛkɛ, o apalaka moto oyenda.

⁵ Yemi edi koko boa; edi licinga likɛkɛ limokuku, esakumejaka ko na ngando jinɛnɛnɛ. Mokonda mosusu mobwani bongoa na mosa mokɛkɛlɛkɛ mɛnɛ.

⁶ Na yemi edi mosa; yemi edi bokumu bobobe a tei emacinga masu; ebejaka mokuku mosusu, na etumbaka mohelo momoto na mosa moGehena.

⁷ Bato hahɔnɔkɔ bogbokeja tito, na mbulu, na njɔ, na tito bamadiba; na babagbokejaka, tungu jisusu.

⁸ Pɛpɛ nongo moto ko ojebaka bogbokeja yemi. Bobe boyemi bopehti mbɔci; elumi na mbondo mɛnɛ.

⁹ Bosakoaka Kumu na Sangwa’su na yemi, na bosingaka bato baya bayoama a blimo eNjambe oko na yemi.

¹⁰ Bosakoa na masingi mamanaka a monɔkɔ momɔci! Baninga, mojɔ momina mobɔngiti.

¹¹ Mokɛlɛ momɔci modi bomeja madiba mapele na madiba mabe pongono?

¹² Baninga, bomwe bodi bobota makpa? Lingolo lidi bobota mamwe? Oko boa pongono, madiba mamukwa matameja nongo madiba mapele.

Bowɛi Bosoti

¹³ Okina onu adi na bowɛi na ejebeli emijɔ? Mohelo monde mopele modi boneja bikɔmɛli bipele, oko na molema motitake mobowɛi

¹⁴ Isa odini na likaka na mosoo a milema minu, pɛ bosa-kumejani, pɛ bonganani mojɔ moSoti.

¹⁵ Bowɛi bomina boditi bowɛi boDiko; bodi oko bowɛi bongondo ye, bowɛi bua bocingi na Posa jimokuku, na miembo Mibe.

¹⁶ Mojɔ bo, isa likaka na misoo midi a ekwa esika, miano na bikɔmɛli bisusu bibe bidi koko ena.

¹⁷ Bowɛi bodiko bodi boso bosɛnɔke; bodi koko na bowi na bo yɛmbu; bohokeaka mijɔ na molema bwase; bolumi na wa na mbuma jipele; boditi na minɔkɔ Inibae, isa na bokosea.

¹⁸ Baya badukaka bowi banaka ngua jibowi, na badi bobuka mbuma jibowi.