Tito 2 - Nouveau Testament en Ngombe 1961

Eleho ai Basuku Bami na Bali

¹ A mojɔ mowɛ mɛnɛ, koja mijɔ mia Mibwani na bokoja bosoti.

² Leba basuku-bami bo badae na bodongo, bato bayongi na bombɔki, bato banjilake a Ejimeli, na epaeli, na lingbangba.

³ Leha basuku-bali bo badae na ekɔmɛli elisuma, te nongo na biloli, na bo batada nongo babuli babolangoa.

⁴ Badi bopa bileho bipele; oko boa badi bokoja bali baya badi oko baseka pɛ, bo badae na epaeli ai bami babu na ai bana babu,

⁵ bo badae na yongi epele, te nongo na ndukeli, bato babingi a elomu endako jibu, bato baepaeli na lisuma ai bami babu, bo Ebaeli eNjambe etasamboa.

⁶ Leha koko menga bo basabekee.

⁷ Aneja wɛ mɛnɛ ekoaneli epele na bikɔmɛli biwɛ bisusu. Kina bokoja bowɛ bodae bokoja bosoti, bobwanake; kina ebaeli ewɛ edae ebaeli esoti.

⁸ Oko boa batahɔnɔ bodumba wɛ, na yona odi na wɛ soki adi bosamboa, mojɔ bo ata’nɛ mojɔ mobe bo alolee so.

⁹ Leha babuli bo badae na lisuma ai baswa’bu, na bo babasepejae na bilomu bibu bisusu; baditi boboma na bu kitɛ;

¹⁰ baditi boda na liba; babwani boda na lisuma linɛnɛ lisoti, bo bokoja boNjambe Moheleja osu bodae na gala epele a mojɔ mobikɔmɛli bibu bisusu.

Monganji moNjambe

¹¹ Mojɔ bo monganji moNjambe moboloa a bohu a boheleja bato basusu.

¹² Mokojaka so bo bolone ngando jisusu jia jikɛsɛni na njea eNjambe, bo bolone posa jingondo, bo bosangbindee, bo bodae na ekɔmɛli yena edi bojo, na lisuma ai Njambe a ngondo ye.

¹³ Bodibo’mba njingoesuyena enɔi, okoboboloa boekumu eNjambe osu monɛnɛ na Moheleja osu Yesu Masiya,

¹⁴ yona osapa a mojɔ mosu, bo abosikoe a bobe bosusu, na bo abosɛnojae bo bodae oko ai yo mɛnɛ, bato babingi a bikɔmɛli bipele.

¹⁵ Koja ngando jimina. Leha, na lemoa na bato na kpaci enɛnɛ. T’ojime oko bo moto asɛtojae wɛ.