Luka 18 - Nouveau Testament en Ngombe 1961

Mondɛ Mojuji Mobe

¹ Yesu abala na bu mokina mondɛ. Cina emondɛ momina edi bo bato babwani bonga bihole bisusu, pɛ nongo bongwa.

² Abala bo, Juji omɔci adaka a ekina ngando. Iyo aibanga Njambo, na aidaka na lisuma ai bato batongo.

³ Okina mwali-obogwa adaka a ngando emina, na yo akɛkɛ ai juji mandɛli-mandɛli; abalaka na nde bo, Longeja mbi na mojɔ mombi na soki embi.

⁴ Juji alona ekoka. Iyo ko alɛ ngɔngɔ bo, Mbi mtabangaka nongo Njambe; naditi nongo na lisuma ai okina moto.

⁵ Mwali yo ko apukejaka mbi; bopele bo namolongejae. Namiti kɔ boa, adi bobeja molema mombi na bodoa bonde bihole bisusu.

⁶ Kumu abala bo, Hokeani mojɔ mobalaka juji mobe.

⁷ Njambe ko? iyo atalongeja bato bande mɛnɛ baya bamongɔɔnɔkɔ na bopipo na bulu na moi? Adi boyeyoa a bobakɔmeja?

⁸ Mbi natɔndɔkɔ no bo adi bobalongeja bokpa mɛnɛ. Endele ko, Mwana ’Moto akadoa, âtana ejimeli a ngondo?

MoPalusi na Moto Otako

⁹ Abala koko mondɛ mu na bakina bato baya badingaka bo badi bato babodongo na banyamoaka bato batongo.

¹⁰ Abala bo, Bakina bato babae bakɛ a tempelo bo ba’nge Njambe. Okina adaka MoPalusi, yona otongo moputeja otako.

¹¹ MoPalusi angɔ, anga a tei ende na bikenge bi, Njambe, mbi nasakoaka wɛ cina bo mbi naditi na ekɔmɛli ebato batongo. Ibo badi bato bambengea, bato babokosea, bato babɔɔli; na so na moputeja yona otako, bosangiti nongo.

¹² Mbi nakiaka mia tu yenga bihole bibae. Napaka bipeeli, libondo lidomi lilikonja lisusu lisɔkɔ mbi.

¹³ Moputeja otako ko ama bohali; aipala bokahoa miso mande diko; aboma bupa bonde na abala bo, Njambe, ikeani wa, mbi moto mobe!

¹⁴ Mbi natɔndɔkɔ no bo yo ayana a ndako ende na lilonga, te nongo yona otongo. Mojɔ bo moto na moto yona osakumejaka, âsamboa; yona ko osatitejaka âsɔ ekumu.

Yesu na Bana Bakɛkɛlɛkɛ

¹⁵ Badoa ai yo na bana bakɛkɛlɛkɛ bo ababakee mɔmɔ mande. Yana anɛ bacingami mojɔ momina, balemoa na bu.

¹⁶ Yesu ko ababea ai yo; abala bo, Kinani bana bakɛkɛlɛkɛ badoe ai mbi; yɛni bobalemba, cina bo Bokumu boNjambe bodi oko ai bato baya badi o bana ba.

¹⁷ Mbi natɔndɔkɔ no na soti bo, moto amiti sɔ Bokumu boNjambe na ekɔmɛli emwana mokɛkɛlɛkɛ, atakwea nongo ena.

Yesu na Lihɔjɔ Limoto

¹⁸ Okina kumu ahɔjɔ Yesu bo, Mokoja mopele, êkɔ mbi ndeni bo nasangoe bomɔ bua bodi na bosusu?

¹⁹ Yesu amosɔmbeja bo, Obeaka mbi mopele mojɔ moye? Pɛpɛ nongo omɔci odi mopele, oko Njambe pɛ.

²⁰ Ojebaka mibeko; T’ongɛe oko bɔɔli; T’owoe oko; T’obe oko; T’otate oko etateli ebokosea; Toma suma sangwao na ngwao.

²¹ Iyo abala bo, Mbi namisumaka misusu, donga oko a bwɛngɛ bombi.

²² Aka Yesu ekenge emina, abala na nde bo, Mojɔ motaki na wɛ oko momɔci pɛ. Peta’ngɛjɛ Ieka lowɛ losusu, pa likonja limina ai bato babokwali, bo okonje leka lonɛnɛ loyumu oho Diko; osa ko odoe a bocingama na mbi.

²³ Aka yo mojɔ momina, aka wa enɛnɛ a molema, mojɔ bo adaka na likonja linɛnɛ mɛnɛ.

²⁴ Yesu amonja na abala bo, Bato balikonja badi bokwea a Bokumu boNjambe oko na kpɔkɔsɔ.

²⁵ Na bokwea bokonji a Bokumu boNjambe, na bokwea bokamela a diso ditonga, bokwea bokonji a Bokumu bo-Njambe bonɔi na kpɔkɔsɔ.

²⁶ Baya baka mojɔ momina babala bo, Oko boa, odi bohela nda?

²⁷ Yesu asɔmbeja bo, Njambe abwani bokɔ ngando jimina, bato ko pɛ bobwana nongo.

²⁸ Pɛtɛlo abala bo, Ika, so bokini leka losu losusu bo bocingame na wɛ.

²⁹ Iyo abala na bu bo, Mbi natɔndɔkɔ no na soti bo, moto na moto yona okini isa ndako, isa mwali, isa bananango, isa baboti, isa bana, a mojɔ moBokumu boNjambe,

³⁰ atakputoa bosɔ libondo lia linɔi na bopele a ngondo ye, na bomɔ bua bodi na bosusu a ngondo yena ebodoa.

Yesu Abala a Mojɔ Mobogwa Bonde

³¹ Yesu abea bacingami domi-na-babae, abala na bu bo, Anjani, iso bokɛkɛ edɛye a Yelusalema, na ngando jisusu jisɔnɔ batɔndɔi a mojɔ moMwana ’Moto jidi bongama.

³² Mojɔ bo âkabama a mɔmɔ mabapakano; bâmotangola, bâmosamboja, bâmotuea masɔi,

³³ bâmotua nji, na bamowa; yo ko angɔ na masu masato.

³⁴ Ibo ko baicingea mijɔ mimina; bainɛ nongo cina eekenge emina, na baisipoa mojɔ mobala yo.

Moto Ogwa Miso Ahela

³⁵ Abatama yo na Yeliko, okina moto omiso mago adaka na mobondo a dɔngɔ dinjea a bo’mba yambo.

³⁶ Iyo aka bato banɛnɛ bakanɔe, na ahɔjɔ cina emina.

³⁷ Bato bamotɔndɔ bo Yesu oNasaleta akɛkɛ anɔe.

³⁸ Iyo abekoa bo, Yesu, Mwana ’Dawidi, ikeani wa!

³⁹ Baya badalaka boso balemoa na nde, bamotɔndɔ bo adae bogo. Iyo ko ahɛjɛ bingi, na abekoa na bopipo bo, Wɛ Mwana ’Dawidi, ikeani wa!

⁴⁰ Yesu ama, abatɔndɔ bo badoe na nde. Yana abatama yo hulelu, Yesu amohɔjɔ ho,

⁴¹ Epalaka wɛ bo nakɔe ai wɛ nda? Iyo asɔmbeja bo, Kumu, kina nasɛ koko njɛnɛ embi.

⁴² Yesu abala na nde bo, Asɔ njɛnɛ ewɛ. Ejimeli ewɛ ehelejai wɛ.

⁴³ Iyo asɔ njɛnɛ ende bokpa, acingama na Yesu, na abanga bokumeja Njambe. Bato basusu baya banɛ mojɔ momina basakoa Njambe pongono.