Boboloja 6 - Nouveau Testament en Ngombe 1961

Bodipoa boBimbete

¹ Mbi nanjaka yana adipoa Mwana-Bata embete emɔci ebimbete sambo, na naka okina obato babomɔ banɛi. Iyo abala nakɔpi ebɛi bo, Doa!

² Mbi nanja, na nanɛ punda mopu. Yona odaka abaki a punda adaka na litimbo. Bamopa koko likongo na yo akɛ, mogbokoli a bogbokeja.

³ Adipoa yo embete ebibae, naka moto obomɔ obabae akabale bo, Doa!

⁴ Na punda otongo amana, punda mokpetu bosɔɔ. Yona odaka abaki a punda asɔ kpaci a bokatoa bowi a ngondo, bo bato bawane oko bowana; na asɔ koko abɛnɛ monɛnɛ.

⁵ Adipoa yo embete ebisato, mbi naka moto obomɔ obasato akabale bo, Doa! Mbi nanja, na nanɛ punda mohindo. Yona odaka abaki a punda apeaka mwɛngi mokilo a ebɔ ende.

⁶ Naka koko kɔpi ekamane a ndanda ebato babomɔ banɛi bo, Kɔpɔ emɔci endongo pata emɔci, na kɔpɔ jisato jilɔsɔ pata emɔci; pɛ ko bobeja munɛ na vino.

⁷ Adipoa yo embete ebinɛi, mbi naka kɔpi emoto obomɔ obanɛi akabale bo, Doa!

⁸ Mbi nanja, na nanɛ punda mopu. Yona odaka abaki a punda adaka na kombe Bogwa, na esika ebagwake edaka ecini na nde ngɔngɔ. Ibo basɔ kpaci a libondo lingondo libanɛi, a boweja bato na abɛnɛ, na linjale, na mogweli moyogo, na tito babila bangondo.

⁹ Adipoa yo embete ebitano, mbi nanɛ miembo mibato baya bama gwa a mojɔ moEbaeli eNjambe, na a mojɔ motati ema bo tata, cina jihtumbu.

¹⁰ Babekoa na kɔpi epipo bo, Ee, Kumu mosɛnɔke osoti, enina êda wɛ pɛ bosambeja bato bangondo, na bokunda likundu a mojɔ momakia masu?

¹¹ Basɔ moto na moto kasaka eyai epu, na baka bo badi bohema koko mweka, oko a ehole êbwana etango ebina’bu baelomu na baninga babu, baya badi bogwa o ama bo gwa bo bɛnɛ.

¹² Nanja yana adipoa yo embete ebisamano, na bojonga bongondo boda bonɛnɛ. Modika-busa mohinda oko bohinda, mohindo tuu. Songe mosusu akindoa o makia.

¹³ Njɔtɔ badiko bakwa nase o asopaka likɔkɔ mbuma, likakumana na pwea epipo.

¹⁴ Busa mɛnɛ bodonga o abulaka moto ekasa emokanda. Meno misusu minɛnɛnɛ, na sanga jisusu jidonga.

¹⁵ Bakumu bangondo, na bato banɛnɛnɛ, na bakumu babila, na konji, na bato bapipo, kanga basusu mɛnɛ, na babuli na basɔmi pongono, basabomba a mabɛngɛ mameno na a matai mameno.

¹⁶ Na babekoa a meno na matai bo, Toma kwani a diko disu; bombani so a boso bonde yona odi a ngɛndɛ, na a kɛnjɔ eMwana-Bata.

¹⁷ Mojɔ bo busa bonɛnɛ bolikundu libu bomei; odi bohɔnɔ husa bomina nda?