Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Boboloja 4 - Nouveau Testament en Ngombe 1961


Ngɛtidɛ eNjambe

1 Yana asia ngando jimina, mbi nanja, na nanɛ bo modipe modi bwase oho Diko. Na kɔpi ema mhi ka boso o ekɔmɛli emondule emi ko bala oko na mbi bo, Doa jɔno diko bo nanejae wɛ ngando jia jikɛkɛ adoe ngɔngɔ.

2 Bokpa mɛnɛ, nadaka a Mwembo, na nanɛ ngɛndɛ a tei eDiko na okina a ngɛndɛ emina.

3 Yona odaka a ngɛndɛ adaka o litai liyasipi na salali; na moyama mohika ngɛndɛ o emelaudi.

4 Mingbelɛngɔ licinda-na-minɛi mihikaka ngɛndɛ. Basuku licinda-na-banɛi badaka a mingbelɛngɔ baya badaka na bisenja bipu, na makongo mawɔlɔ a melo Mibu.

5 Mikalimo, na kɔpi, na bɛi jimana a ngɛndɛ. Mitanda sambo miyoaka a boso bongɛndɛ, mia midi Miembo sambo miNjambe.

6 Boso bongɛndɛ bodaka o ekɔmɛli elibale litalatala na kulusutala. Nanɛ koko bato babomɔ banɛi a tei engɛndɛ, na bahikaka ngɛndɛ; badaka na miso botɔ, saboso na sangɔngɔ.

7 Yona obomɔ oboso adaka o gbɔngɔ; yona obabae adaka o mwana-ngɔmbɔ; yona obasato adaka na boso bomoto; yona obanɛi adaka o popo yona opimboaka.

8 Bato babomɔ banɛi badaka na mapapulapu masamano-masamano. Badaka na miso botɔ, a sokolu na a tei. Te bakwake bo’mba yembo na bulu na moi bo, Mosɛnɔke! Mosɛnɔke! Mosɛnɔke! Kumu Njambe yona onɔi na ngulu; Yona odaka, yona odi, na yona odabí na bosusu.

9 Bato babomɔ bakumejaka yona odi a ngɛndɛ, bamosakoaka na bamosepejaka, oko yona odi na bomɔ na bosusu.

10 Akɔkɔ bo boa, basuku licinda-na-banɛi basadumbaka a boso bonde yona odi a ngɛndɛ, bo bamosakoe yona odi na bomɔ oko na bosusu; badu-mbaka makongo mabu a boso bongɛndɛ na bambaka yembo bo,

11 Kumu osu na Njambe osu, Wɛ obwani bosɔ ekumu na lisuma na kpaci Mojɔ bo wɛ okɔ leka losusu; Lodi, na lokɔmɔ oko na bolulea bowɛ.

Alliance Biblique de la R. D. Congo

Bible Society of the Democratic Republic of Congo
ကြှနျုပျတို့နောကျလိုကျပါ:



ကြော်ငြာတွေ