Baebele 3 - Nouveau Testament en Ngombe 1961

Mose Mokɔmɛli. Yesu Mwana

¹ Baninga basɛnɔke, baya babeama a bokatana a elomu eDiko, toma lɛni Yesu, Obwɛnji na Nganga Monɛnɛ oejimeli esu.

² Iyo adaka na lisuma ai yona omohɔ, o amaka da Mose na lisuma a ndako ende esusu.

³ Na Yesu na Mose ko, Yesu anɔi na ekumu; mojɔ bo moyoeli ondako adi na ekumu, te ndako eyoaka yo.

⁴ Tu ndako edi na moyoeli; edi Njambe ko yona oyoa leka losusu.

⁵ Mose adaka na lisuma o mokɔmɛli ondako eNjambe bo atate tati engando jia jibalama oko ngɔngɔ.

⁶ Masiya ko adaka na lisuma limwana a ndako eNjambe. Ndako emina edi oko so, bokapea boku oko a suka ejimeli esu, na njingo esu yena edi ekumu esu.

⁷ A mojɔ momina Mwembo Mosɛnɔke mobalaka bo, Oka’kani monɔkɔ monde busa bu,

⁸ T’opingejaeni oko milema minu o akɔ bo a ehole ebokeja kɛlɛ, A busa bobomeka a lisobe.

⁹ Batata banu bameka mbi a esika emina, Na banɛ bilomu bimbi bianga macinda mabae.

¹⁰ A mojɔ momina, mbi naka kɛlɛ na elulu emina, na nabala bo, Milema Mibu midi na bosusu oko milaboake, Baijeba nongo njea jimbi.

¹¹ Na mbi nabɛlɛ bɛli a kɛlɛ embi bo, Batakwea nongo a liheme limbi.

¹² Anganjamani baninga, bo okina onu asaka da na molema mobe mokitɛ, mua modi bolaboja no a njea eNjambe obomɔ.

¹³ Salehanani tu busa yana adi so na ekenge ye “busa bu” a kɔpi esu, okina onu asaka da na ebaso a molema, cina eepulu ebobe.

¹⁴ Mojɔ bo libondo lisu lidi a tei eMasiya, bokapea boku oko a suka, ejimeli yena edaka na su a libangake,

¹⁵ yana adi so na ehole eekenge ye, Oka’kani monɔkɔ monde busa bu, T’opingejaeni oko milema minu o akɔ bo a ehole ebokeja kɛlɛ.

¹⁶ Na badaka na lipanga ndani? oko baya baka, ee, oko bo basusu baya bamana na Mose a Ejipeto.

¹⁷ Na bakeja Njambe kɛlɛ bianga macinda mabae ndani? Oko baya bakɔ bobe, na njemba jibu jidika a lisobe.

¹⁸ Na abɛlɛ bɛli ai nda bo batakwea a liheme linde?—oko baya badaka na lipanga.

¹⁹ Oko boa bocineaka bo baibɔngɔ bo bakwee a mojɔ mokitɛ.