Baebele 12 - Nouveau Testament en Ngombe 1961

Lingbangba a Bomeka

¹ Lindundu linɛnɛ libatati lihikaka so. A mojɔ momina, bopele bo bodumbe mina misusu mitombaka so, na bobe bua bobindanejaka so, bo bopote na lingbangba a njea yena edi a boso bosu.

² Kwani miso masu madae oko ai Yesu, yona obanga na yona odi bobɔngeja ejimeli esu. Iyo ahɔnɔ mole-mobokea, na alɛ bo sɔni emina edi eka engasa, oko a mojɔ mosepi yena edaka a boso bonde, na adi a edie a ebɔ ebami emongbɛlɛngɔ moNjambe.

³ Kinani bolɛ bonu bodae ai yo yona ohɔnɔ lisoki libato babe, bo osaka ngwaeni, na oSaka mbɛni a milema minu.

⁴ Anaka no bila na bobe, makia manu masopeakini a bila emina.

⁵ Na obosaini eleho yena elehaka no o bana; Mwana’mbi, t’olɛe oko bo bosisa boKumu bodi mojɔ mokɛkɛ. Akalemoa na wɛ, t’omɛmɛlɛe oko.

⁶ Mojɔ bo, Kumu akapala moto, amosisaka, Na atuaka bana basusu basɔkɔ yo.

⁷ Dani na lingbangba a tei ebosisa. Njambe akojaka no o bana. Okwa mwana adi, na sangwa’nde pɛ bomotna?

⁸ Nji jidi a mojɔ monu basusu. Omiti sɔni nji, oditini bana basoti, oko bana babɔɔli.

⁹ Isa bodaka na lisuma ai basangwa’su ya nase baya batua so, bota-suma Sango omiembo na lisuma linɛnɛ bo bohele?

¹⁰ Basangwa’su hatua so ehole ekue, yana adaka bo na bolɛ bomina. Njambe ko atuaka so a bobɔngeja so, bo bosɛ libondo libosɛnɔ bonde.

¹¹ Bosisa bosusu bodi na mwano a ehole emina, te nongo sepi. Bato ko hakakoa na mojɔ momina, bosisa bomina bobotaka mbuma jibowi na bodongo ai bo.

¹² A mojɔ momina, pingejani mɔmɔ manu maya mangwai, na muli manu maya madi ma yɛmbu.

¹³ Liani njea jitangboake a mojɔ mobibota binu, bo yona otɛngɔkɔ atabukea ekɔ, oko bo ahɛe na ngulu.

¹⁴ Kɔni na ngulu enu esusu bo odaeni na bato basusu oko bowi, na bo odaeni na bosɛnɔ, mojɔ bo moto amiti da na bosɛnɔ atanɛ nongo Kumu.

¹⁵ Nganjamani bo okina moto atakputoa bosɔ monganji moNjambe, bo mokina monginga moboyo mosaka tɔ, a bonɔngeja no, na a bobeja bato banɛnɛ.

¹⁶ Nganjamani bo okwa onu atada moto obɔɔli, pɛpɛ ejimeli, o adaka Esau yona osɔmbɔtɔnɔ lisango linde lisɔmi a mojɔ moteni emɔci edia.

¹⁷ Ojebakani bo yana adaka yo na posa ngɔngɔ a bosangoa bopamboa, alonama oko bolonama; nongo aduka yo na mbisoli, aiboloja nongo pokiso a bohekoja molema.

¹⁸ Ino oibatamani na mono momɔmɔkɔ bato na mɔmɔ, mua mongoa na mosa, na modidi, na eyembi, na mopomba,

¹⁹ na doi limondule, na doi likɔpi; baya baka kɔpi emina bangɔɔnɔ bo ekinaekenge etongo etabalama na bu.

²⁰ Mojɔ bo baihɔnɔ mobeko bo, Nongo tito akabatama na mono, badi bomo’la matai.

²¹ Mojɔ momina modaka maneene mɛnɛ. Mose yo mɛnɛ abala bo, Mbi nadi na bɔ na mongongoma.

²² Ino ko odoini a Mono moSiona, a ngando eNjambe obomɔ, Yelusalema yena eDiko, ai mandundu mababwɛnji-baDiko pɛ njɛngi.

²³ Odoini a likita na denga dibana basɔmi baya badi na kombe jibu oho Diko, ai Njambe yona odi Juji obato basusu, a miembo Mibato baejimeli baya babɔngɔ.

²⁴ Na odoini ai Yesu yona okwea bosiili na Mokongo Moyene, na a makia maya mamɛsɛmi; na makia mande, na makia maAbela, makia mande manɔi na bwɛnji bopele.

²⁵ Nganjamani, osaka lonani boka yona obalaka. Mojɔ bo, isa bato baihela baya balona boka yona obaleha ya nase, esingaiti so, boka-sɛtoja yona obalaka oho Diko; iso bohela na ye?

²⁶ Ngondo ejonga a mojɔ mokɔpi ende a ehole emina. Na sako ende edi e dɛye bo, Mbi nadi bojongeja koko ehole etongo, te ngondo pɛ, oko Diko pongono.

²⁷ Koko ehole etongo; ekenge emina edi na cina bo leka lua lojongabí lodi bokindoa elimo etongo, bo leka lua lobwaniti bokumana lodi boyeyoa.

²⁸ Bokumu bosɔkɔ so bobwamti bokumana; a mojɔ momina, kinani bosakoe Njambe na bosakoa bosoti, oko na lisuma na bɔ.

²⁹ Mojɔ bo Njambe osu adi mosa mɛnɛ mua mosiejaka oko bosieja.