Bikɔmɛli 16 - Nouveau Testament en Ngombe 1961

¹ Paulo amea a Delube na Lusetulia. Okina mocingami adaka ena, kombe ende Timoteo, ngwa’nde MoYuda, sangwa’nde MoEla.

² Iyo adaka na gala epele a tei ebaninga baLusetulia na baIkonia.

³ Paulo apala bo Timoteo amopakae a mɔngɔ monde; oko boa amotomba na amoleneja ganda a mojɔ moBaYuda baya badaka a bisika bimina; mojɔ bo bajeba bo basusu bo sangwa’nde adaka MoEla.

⁴ Akɛ bo a ngando na ngando a njea ebu, bajebeja bacingami ngando jijima babwɛnji na basuku baDenga a Yelusalema, bo basume ngando jimina.

⁵ Oko boa Menga mambilima a ejimeli, na etango ebacingami ehɛ husa na husa.

Paulo Abeama a Makedonia

⁶ Mwembo Mosɛnɔke mobalemba bo batatɔndɔ Mwako Mopele a Asia; oko boa bakɛ a makota maPelugia na Galatia.

⁷ Yana amea bo a Musia, bakenga bokɛ a Bitunia; Mwembo moYesu ko mobalemba bo batakɛ.

⁸ Oko boa, banɔ Musia na bakɛ a Toloa.

⁹ Na Paulo atɔ njɔti na bulu na anɛ momi oMakedonia. Iyo adaka ami, na amongɔɔnɔko bo, Leka jɔnɔ a Makedonia a bokɔmeja so.

¹⁰ Anɛ yo mojɔ momina, iso bomeka bokɛ bokpa a Makedonia, mojɔ bo bojima bo Njambe abeaka so a botɔndɔ Mwako Mopele oho.

A Pilipoi

¹¹ Botamba a masua a Toloa na bokɛ bojo a Samotulake. Yana ahoa busa bokɛ a Neapoli.

¹² Angɔ so ena, bokɛ a Pilipoi, ngando eboso edɔngɔ dimina diMakedoma, na kingili eBaLoma. Boyeyoa makina masu a ngando emina.

¹³ A busa boSabata, bomana a modipe momongba mongando na bokɛ a ekina ediba, mojɔ bo bodaka na njingo bo esika ebonga edaka oho. Boda na mbondo oko ena, na bobala na bakina bali baya batitana a esika emina.

¹⁴ Okina obu adaka mwali ongando kombe Twatila, kombe ende mɛnɛ Ludia. Iyo akɔkɔ bwasa na bisenja bikpetu bibobuno bonɛnɛ. Adaka mosakoi oNjambe, na ahokea so. Kumu adipoa molema monde ho alɛe mijɔ mibalaka Paulo.

¹⁵ Yana abatisama yo na denga dinde pongono, angɔɔnɔ so bo, Okajimani na soti bo mbi nadi na ejimeli ai Kumu, doani a ndako embi a boda ena. Ahɛjɛ bingi na so bojima.

¹⁶ Yana akɛkɛ so a esika ebonga, bosongana na moseka omɔci, mobuli, yona odaka nganga oketa. Baswa bande badihaka likonja linɛnɛ a mojɔ mobiseko binde.

¹⁷ Iyo adoa ngɔngɔ jisu na Paulo, na abekoa bo, Bato baba badi bakɔmɛli baNjambe oBonɔ, na banejaka no njea emohelo.

¹⁸ Iyo akɔ hoa masu manɛnɛ. Paulo apukaka a mojɔ momina, na ahekoa, ahala na mwembo bo, Mbi nabekeaka wɛ a kombe eYesu Masiya bo omane ai yo; na mwembo momana oko bomana a ehole emina.

Paulo na Sila a Blɔkɔ

¹⁹ Yana anɛ haswa bande bo njingo ebu elikonja esia, bapea Paulo na Sila, na babagbula ai basuku bangando a jando.

²⁰ Ibo bakɛ na bu ai bajuji, na babala bo, Bato ba badi BaYuda baya babejaka ngando esu.

²¹ Bakojaka bikina bikɔmɛli bitongo bia bibɔngiti na su BaLoma a bojima na bokɔ.

²² Bato bangando koko bahɛjɛ daka enɛnɛ a mojɔ mobu. Oko boa bajuji babahweja hisenja na babatueja pimbo.

²³ Asieja bo bobatua, baba’sa ta blɔkɔ, na baleha kɔmisɛlɛ ohlɔkɔ bo ahabanee bopele.

²⁴ Asɔ yo eleho emina, aba’sa ta kasho, na asa bibota bibu ta misɔngɔ.

²⁵ Paulo na Sila ba’ngaka na bambaka njembo na bulu tei, na bato bablɔkɔ babahokeaka.

²⁶ Bojonga bongondo bodoa bundumo, bonɛnɛ mɛnɛ, na ndako eblɔkɔ ekumana oko a eyoeli ecina. Midipe misusu midipoama bokpa, na minyɔlɔ mibato basusu bablɔkɔ mitwea oko botwea.

²⁷ Kɔmisɛlɛ oblɔkɔ asisoa, na yana anɛ yo midipe miblɔkɔ bwase, ahwa abɛnɛ onde na akɔ bo asawoe, mojɔ bo alɛkɛ bo bato bablɔkɔ bacia.

²⁸ Paulo ko abekoa na bopipo bo, Yɛ bosakɔ mojɔ mobe boa, cina bo bodi ya so basusu.

²⁹ Iyo abea bo badoe na paka. Akwea a tei bokpa, na asadumba a boso boPaulo na Sila, oko na bɔ na mongongoma.

³⁰ Abameja sokolu, na abala na bn bo, Baswa bambi, êkɔ mbi ndeni bo nahele?

³¹ Ibo babala bo, Jimea Kumu Yesu na ôhela, wɛ mɛnɛ na bato bandako ewɛ.

³² Bamotɔndɔ Mwako Mopele moKumu, na bato basusu baya badaka a ndako ende.

³³ Iyo abatomba a ehole emina na hulu, asosa mapipi mabu, na abatisama bokpa, yo mɛnɛ na bato bande basusu.

³⁴ Abakweja koko a ndako ende na abapa mia. Adaka na sepi enɛnɛ, na bato bande pongono, mojɔ bo ajima Njambe.

³⁵ Yana ahoa busa, bajuji baloma basoda na monɔkɔ bo, Cingoa bato bamina.

³⁶ Kɔmisɛlɛ oblɔkɔ akɛ na bwɛnji bomina ai Paulo. Abala bo, Bajuji balomi monɔkɔ bo bocingoe no. Oko boa, imanani na yanani na bowi.

³⁷ Paulo ko abala na bu bo, Batui so a boso bobato, pɛ nongo bopeta sambeja so, oko so baya badi BaLoma, na basi so ta blɔkɔ. Edɛye ko bapalaka bo bamejae so a libombi? Pɛpɛ nongo mweka. Bopele bo badoe bo bɛnɛ a bocingoa so.

³⁸ Basoda bajebeja bajuji mojɔ momina. Iyana aka bajuji bo badi BaLoma, badaka na bɔ.

³⁹ Oko boa badoa bo babagɔmbejae. Babameja ta blɔkɔ, na babangɔɔnɔ bo badonge a ngando emina.

⁴⁰ Ibo bamana a blɔkɔ, na bakɛ a ndako eLudia. Iyana anɛnɛ bo na baninga, babaleha na bayana.