2 Bakolinto 13 - Nouveau Testament en Ngombe 1961

Bileho biSuka

¹ Ehole ye edi ehole ebisato ebodoa bombi ai no. Bolena bomojɔ bobwani na batati babae isa basato.

² Mbi naleha bato baya bakɔ bobe boso, na basusu batongo pongono; na nabale-haka koko edɛye, o akɔ mbi yana adaka mbi na nu ehole ebibae, bo mbi nakadoa, nitadoa nongo na bwɛmbu.

³ Odukakani embete bo Masiya abalaka a tei embi. Iyo aditi na boyɛmbu ai no; adi na ngulu a tei enu.

⁴ Iyo agwa a mole-mobokea oko na boyɛmbu; adi mɔ ko a mojɔ mongulu eNjambe. Iso pongono bodi bayɛmbu a tei ende; endele ko, bodi na bomɔ bonde a mojɔ mongulu eNjambe bo bokɔe elomu a tei enu.

⁵ Sakokelejani no bɛnɛ, a bojeba isa odini na ejimeli soti. Samekani no bɛnɛ. Otajebakani bo Yesu Masiya adi a tei enu? Emiti da boa, odini oko badaloi.

⁶ Nadi na njingo bo odini bojeba bo iso boditi badaloi.

⁷ Bongaka Njambe bo otakɔni nongo bobe, te a bolongeja so, oko bo okɔeni bopele pɛ, nongo adi so badaloi.

⁸ Mojɔ bo bobwaniti boda na Soti soki; bodi oko a dɔngɔ diSoti.

⁹ Iso bosepaka yana adi so na bwɛmbu, isa ino odini na bopipo. Bongaka bo obɔngeni na soti.

¹⁰ Nasɔnɔkɔ mijɔ mi yana adi mbi bohali, bo nitabala na nu na bopipo a bodoa bombi na kpaci esɔ mbi ai Kumu a bopingeja bato, te a bodumba bato.

¹¹ Mojɔ mosuka baninga,—asɔni njɛbɛ embi. Bɔngejani midi minu. Hokeani eleho embi. Dani na molema momɔci. Dani na bowi, na Njambe obowi lida na nu.

¹² Abɛjɛnɛni na njɛbɛ esɛnɔke.

¹³ Bato basusu baDenga babɛjɛkɛ no.

¹⁴ Yɛ monganji moKumu Yesu Masiya, na epaeli eNjambe, na bokatana boMwembo Mosɛnɔke bodae na nu basusu.