1 Bakolinto 8 - Nouveau Testament en Ngombe 1961

Masiko ai Banjambe baBokosea

¹ A mojɔ momasiko mapejaka bato a bilimo, bojebaka so basusu cina emina. Ejebeli ko ehuulejaka moto na egho; epaeli ko embilimejaka.

² Moto akalɛ bo adi na ekina ejebeli, ajebakini na soti.

³ Moto ko akapala Njambe, Njambe ajebaka moto omina.

⁴ Oko boa, a mojɔ moboyaka tito bamasiko mabilimo, bojebaka bo elimo edi eka engasa mɛnɛ a ngondo ye. Njambe adi oko omɔci pɛ, pɛpɛ okina otongo.

⁵ Nongo bakabakea kombe banjambe ai bakina, isa oho Diko isa ya nase—na banjambe badi banɛnɛ, na bakumu koko banɛnɛ—

⁶ ai so ko, Njambe adi oko omɔci pɛ, oko Njambe Sango. Leka losusu lohulaka ai yo, na so bodi oko ai yo. Na Kumu adi oko omɔci pɛ, oko Yesu Masiya. Leka losusu lodi a mojɔ monde, na so bodi a mojɔ monde.

⁷ Bato basusu ko bapeliti ejebeli emina. Bakina bato baya balandoa na bilimo, bayakaka leka lomina na bolɛ a masiko mabilimo, na milema mibu miyɛmbu mikɔkɔ mabai.

⁸ Lilonga lisu a boso boNjambe liditi mojɔ modia. Botalonga a mojɔ moboyaka, na bota-beha na ekia.

⁹ Ino ko haya bayakaka dia dimina, toma nganja mani bo ekɔmɛli enu etasakeja bayɛmbu libaku.

¹⁰ Wɛ moto yona odi na ejebeli emijɔ,—moto otongo yona odi moyɛmbu akanɛ wɛ yana adi wɛ a boyaka a tei etempelo ebilimo, otalindaka moto omina yona odi na molema moyɛmbu a boyaka masiko mabilimo pongono?

¹¹ Oko boa, moto yona moyɛmbu, oko mwangwao mɛnɛ, adi bobeha a mojɔ moejebeli ewɛ; na Masiya agwea moto omina.

¹² Okabejani baninga boa na okababenejani a milema mibu miyɛmbu, okɔkɔni bobe ai Masiya yo mɛnɛ.

¹³ A mojɔ momina, mbi nakasakeja mwangwa’mbi na boyaka, nadi bokia tito na bosusu, bo nitasakeja mwangwa’mbi libaku.