यूहन्ना 17 - परमेस्वर को सच्चो वचन ख जाननू

यीसु कि महायाजकीय प्रार्थना खुद को लाने

¹ यीसु न या बात कही अर अपनी आँखी बददल या स्वर्ग कि तरफ उठा ख कय्हो, “बाप, वा घड़ी आ गई हैं; अपनो पोरिया कि महिमा कर कि पोरिया भी तोरी महेमा करे।”

² काहेकि तुना ओखा सबरा इंसान हुन पर हक दियो हैं, कि जिनका तुना ओखा दियो हैं वी सबका उ अनन्त काल को जीवन देहे।

³ अर अनन्त काल को जीवन यू हैं कि वी तू अकेलो मातर सच्चो परमेस्वर ख अर प्रभु यीसु मसी ख, जेका तुना भेजो हैं, जाने।

⁴ जे काम तुना मोखा करन का दियो रह, ओखा पुरो कर ख मीना दुनिया म तोरी महिमा करी हैं।

⁵ अब तु, बाप, अपनो संग म मोरी महिमा वा महिमा से कर जे दुनिया बनानो से पहले, मोरी तोरो संग म हती।

अपना चेला हुन को लाने

⁶ “मीना तोरो नाम वी इंसान हुन पर परघट करयो हैं जिनका तूना दुनिया म से मोखा दियो। वी तोरा हता अर तुना उनका मोखा दियो, अर विन्ना तोरो वचन ख मान लियो हैं।

⁷ अब वी समझ गया हैं कि जे कुछ तुना मोखा दियो हैं उ सब तोरी तरफ से हैं;

⁸ काहेकि जे वचन तुना मोखा दियो, मीना उनका पहुँचा दियो; अर उनना उनका अपना लियो, अर सच्ची-सच्ची जान लियो हैं कि मी तोरी तरफ से आयो हैं, अर भरोसा कर लियो हैं कि तू न ही मोखा सच्ची म भेज्यो हैं।”

⁹ मी उनको लाने भी बिनती करूँ हैं; दुनिया को लाने विनती नी करूँ पर उनको ही लाने जिनका तू न मोखा दियो हैं काहेकि वी तोरा हैं;

¹⁰ अर जो कुछ मोरो हैं उ सब तोरो हैं, अर जे तोरो हैं उ मोरो हैं, अर ऐसे मोरी महिमा परगट भई हैं।

¹¹ मी अब दुनिया म नी रहन को, पर यी दुनिया म रहेगो, अर मी तोरो कने आऊ हैं। अरे सुध्द बाप, अपनो उ नाम से जे तू न मोखा दियो हैं, उनकी देख भाल कर कि जसा अपुन एक हैं वी अपनो समान एक रहे।

¹² जब लक मी उनको संग म रयो, ते मीना तोरो उ नाम से, जे तुना मोखा दियो हैं मीना उनकी देख भाल करी की, नास करन वालो को पोरिया ख छोड़ उनमा से कोई नास नी भया, एकोलाने कि सुध्द सास्र म जे कय्हो गयो उ पूरो होय।

¹³ अब मी तोरो कने आऊ हैं, अर यी बात हुन दुनिया म कहूँ हैं, कि वी मोरी खुसी अपनो म पुरी पायो।

¹⁴ मीना तोरो वचन उनका सुना दियो हैं; अर दुनिया न उनसे बैर करियो, काहेकि जसो मी दुनिया को नी, वसा ही वी भी दुनिया का नी हाय।

¹⁵ मी असी विनती नी करूँ कि तू उन ख दुनिया म से उठा ला; पर या कि तू उनका बुराई से बचा ख रख।

¹⁶ जसो मी दुनिया को नी हाँय, वसा ही वी भी दुनिया ख नी हाँय।

¹⁷ तू सत्य को दुवारा उनका सुध्द कर: तोरो बचन सत्य हैं।

¹⁸ जसो तू न मोखा दुनिया म भेजो, वसो ही मी न भी उनका दुनिया म भेज्यो;

¹⁹ अर उनको लाने मी अपनो तुम ख सोउप देऊ हैं, ताकि वी भी सही को दुवारा सोउप दिया जाय।

सब भरोसा करन वाला को लाने

²⁰ मी सिर्फ इनको लाने विनती नी करुँ, पर उनको लाने भी जे इनको वचन को वजेसे मोरो ऊपर भरोसा करे।,

²¹ कि वी सब एक होय; जसो तू बाप मोरो म हैं, अर मी तोरो म हैं, वसा ही वी भी हम म एक होय, जे से पुरी दुनिया भरोसा करे कि तुना ही मोखा भेजो हैं।

²² वा महिमा जे तूना मोखा दी मी न भी उनका दे दी हैं, कि वी वसा ही एक होय जसा कि अपुन एक हैं,

²³ मी उन म अर तू मोरो म जसो कि वी पुरो तरीका से नेक बन ख एक हो जाय, अर दुनिया यू जान लेहे कि तुना ही मोखा भेज्यो हैं, अर जसो तरीका से तुना मोसे प्रेम रखियो हैं, उसी ही तरीका से ओ ना भी प्रेम रखियो।

²⁴ परमेस्वर बाप! मी चाहूँ हैं कि जिनका तुना मोखा दियो हैं, वी जीते मी हैं मोरो संग रहे, जसो वी मोरी वा महेमा का देखे जे तुना मोखा दी हैं, काहेकि तूना दुनिया बनानो से पहले मोसे प्रेम रखो हैं।

²⁵ “अरे धर्मी परमेस्वर बाप, दुनिया न मोखा नी जानो, पर मी न तोखा जानयो; अर वी जान गया कि तुना मोखा भेज्यो हैं।

²⁶ मीना उनका तोरो नाम बतायो हैं अऊर बताते रहूंगो, जसो तुना जो प्रेम मोखा दियो, उ प्रेम उनमा बनो रहे अऊर मी भी ओमन बनो रहू।”