इफिसीयो 1 - परमेस्वर को सच्चो वचन ख जाननू

अभिवादन

¹ इफिसुस प्रदेस ख संत यीसु अऊर उन सुध्द मसी म सच्चा विस्वासी हुन को नाम पोलुस कि चिठ्टी, जो परमेस्वर की मर्जी से यीसु मसी को प्रेरित चुनियो वालो हैं।

² हमरो परमेस्वर बाप अर प्रभु यीसु मसी तुम सब इंसान हुन ख किरपा अर सान्ति देते रैय।

सभी इंसान हुन को लाने परमेस्वर कि अपरंमपार किरपा

³ धन्य हैं परमेस्वर, हमरो प्रभु यीसु मसी को बाप! ओ ना मसी को वजे से हम इंसान हुन ख स्वर्ग का हर तरीका का आत्मिक आसीस दियो हैं

⁴ ओ न हम ख संसार को बननो से पहिले मसी म हमका चुनियो, जसो हम मसी म एकजुट हो का ओकी नजर म सुध्द अर बेकसूर बने।

⁵ ओ ना प्रेम से भर ख सुरू ही म चुन लियो कि हम यीसु मसी को जरिया से ओखा पालक पोरिया बने यू परमेस्वर कि मर्जी से भयो,

⁶ कि ओकी वा दया की मेहमा कि बड़ाई होय, जे ख ओ न अपनो प्यारो पोरिया को वजे से फुकट म दे दियो।

⁷ जो हमका ओको खून को दुवारा छुटकारा, यनेकी पाप हुन कि छमा दिलावा हैं। या ओकी अपरंपार किरपा को धन आय।

⁸ जो ख ओ न पुरो ग्यान अऊर समझ सहित हम प बहुतायत से करियो।

⁹ काहेकि परमेस्वर न अपनो मन को भेद वा सोच ख बतायो, जे ख ओ ना अपनो तुम म ठान लियो रह

¹⁰ परमेस्वर कि योजना बखत को सही मऊका आन पर स्वर्ग म की अर जे कुछ जमीन पा हैं, सब कुछ चीज यीसु मसी म एक जुट करे।

¹¹ सब बात हुन पिलान अऊर परमेस्वर को निर्नय को हिसाब से करी जाय हैं। अऊर परमेस्वर न अपनो निजी निर्नय को वजे से ही हमका उईच मसी म संत बनन को लाने चुनियो हैं। असो ओको ही हिसाब से भयो जेखा परमेस्वर न कोई जमाना से ठान ख रख्यो रहा।

¹² कि हम, जिन न पहले से मसी पर आसा रखी हती, ओकी महिमा की स्तुति को वजे हो।

¹³ अऊर ओ म ही तुम प ही, जब तुम न सत्य को वचन सुन्यो जे तुम्हारो उध्दार को अच्छो समाचार आय अऊर जे पर तुम न भरोसा करियो, वादा कियो हुओ सुध्द आत्मा की मोहर लगायो।

¹⁴ सुध्द आत्मा हमका छुटकारा हो सका हैं आगे असो सोच ख हमका मिलो हैं, कि परिपक हो जान को बाद हमारो पुरो छुटकारा हो गयो हैं, जो से परमेस्वर कि मेहमा अर बड़ाई होय।

पोलुस की बिनती

¹⁵ मीना प्रभु यीसु म तुम इंसान हुन को विस्वास अर सब सुध्द लोग हुन को प्रति तुमरो प्रेम को बारे म सुनियो हैं,

¹⁶ तुम्हारो लाने धन्यवाद करनो नी छोड़, अऊर अपनी प्रार्थना हुन म तुम्हारो याद किया करुँ हैं।

¹⁷ महिमामय बाप, जो कि हमरो प्रभु यीसु मसी को परमेस्वर जो मेहमा या बड़ाई को बाप आय, तुम ख अपनी पहिचान म ग्यान म अऊर प्रकास कि आत्मा दे,

¹⁸ अर उ तुम इंसान हुन कि मन की आँख कि ज्योत खोले, जसो तुम यू देख सके कि ओको वजे से बुलायो जान को लाने तुम इंसान हुन की आसा कित्ती बड़ी हैं अऊर सुध्द लोग को संग तुम इंसान हुन ख जो जगह मिली हैं, वा कित्ती ऐस आराम से मेहमामय हैं,

¹⁹ अर हम विस्वासी हुन को कल्यान को लाने ओकी सामर्थ्य हम म जो भरोसा करा हैं, कित्ती महान हैं, ओकी सक्ति को प्रभाव को काम को अनुसार

²⁰ परमेस्वर ने मसी म अपनी सक्ति ख तब दिखायो, जब ओ ना मूर्दा म से यीसु ख जिन्दो कर ख दिखायो अऊर स्वर्ग म अपनी जेवनो बाजू बिठायों।

²¹ परमेस्वर न ओखा सब तरीका का प्रधानता अर अधिकार हुन, सक्ति हुन, अर प्रभुता को प्रभु को ऊप्पर सासन करा हैं; अर हर एक नाम को उप्पर, जो न सिरप यू लोक म पर आन वालो लोक म भी लियो जाहे, बिठायो;

²² अर ओ ना सब कुछ मसी को पाय को नीचु कर दियो; अर ओखा सब चीज को उप्पर सिरोमणि ठहरा कर कलेसिया ख सोप दियो।

²³ कलेसीया मसी को सरीर आय, मसी कि भरपुरी हैं, जो सब कुछ सब तरीका से पूरो करा हैं।