Yoano 10 - KILOMBENO KIHYA KIA NFUMWETU YESU KIDISITU

¹ Binyibinyi, binyibinyi, nenulungula’mi’shi: Shia twelela ku kibelo kia luhoho lwa mikoko, anka akamina hangi, yawa e ngifi na ntunyenanyi.

² Anka’wa atwelela ku kibelo, e katshunga ka mikoko.

³ Mulami a ku kibelo amushitwila; na mikoko ayihusha eyi die: n’etanyina mikoko ye na mashina’yo, eyikunkusha hasha.

⁴ Hātusha mikoko ye, eyibadidila kumpala kwayo, mikoko tayimulondo; mwanda ayiuku eyi die.

⁵ Tayilondo mwenye, ooo anka ayikamusuku, mwanda tayiuku eyi dia bēnyi.

⁶ Yesu bebele uno mwele kwabadi: anka tambeukye bibebakudile, su mbinyi, su mbinyi.

⁷ Henyihaha, Yesu bebalungwile dimo’nyi’shi: Binyibinyi, binyibinyi, nenwamba’shi, Ami nyi kibi kia kibelo kia mikoko.

⁸ Boso babadidile kumpala kwande, babadi bangifi na banyenanyi; anka mikoko tayibebahusha.

⁹ Ami uno nyi kibi kia kibelo; ese muntu atwele handji, akahashwa, atwele, atuku, asañana kimwa kibuwa.

¹⁰ Ngifi kwe kufika, afwila’nka kwiba na kwiha, na kuiwisha: Ami nafikile’shi, bakamone muwa, bakeumone kukila wi bungi.

¹¹ Ami nyi katshunga kebuwa, katshunga kebuwa afwila mikoko.

¹² Mufubi’ēfuto, ta nkatshunga ka mikoko ka na mwinyi, na mikoko tangye, amono kamishi kakwete kufika, alekye mikoko, tasuku: na kamishi akeyikwata, na kwiyihalakasha.

¹³ Mufubi’ēfuto asuku mwanda e mufubi ēfuto, te na kanya kwi mikoko.

¹⁴ Ami uno nyi katshunga kebuwa, neuku yande (mikoko) nyi mwiukibwe nayo.

¹⁵ Anka bu binukye Yaiya, neuku Yaiya namu anka hamune: natudile mikoko muwa wande.

¹⁶ Yingi mikoko yandji nayo, tangya luno luhoho: mwandji nao ngwa kut’ika nayo, ayikahusha eyi diande; ayikekala lombe lumune, na katshunga kamune.

¹⁷ Nyi ha uno mwanda Yaiya E nami kifulo, mwanda na tulu muwa wande, mwandjia kuatshila dimo.

¹⁸ Takwi muntu sungangumune akwiunyeñana, anka newitudila’mi na mwinyi. Nyi na matalwa akwiutula, nyi na matalwa namu kwiuata kabidi. Uno mulayilo neutambwile kwi Yaiya.

¹⁹ Binyibiabia, ha yino myanda Bena Yudea babelamunwine dimo.

²⁰ Be bungi babambile’shi, E na mukishi munda, E na mombe; ankinyi kia numuhushisha?

²¹ Bangi’shi: Yino myanda tayakwikala kwi muntu e na mukishi. Muntu e na mukishi euku kubūla meso a mpofu su?

²² Kubadi Bidibwa bia Kilumbulwilo kia Ntempelo, ku Yelusalema, kubadi kihindji ki’eshiho.

²³ Biabia Yesu matalwa namu kwiuatakabidi. Uno mulayilo neutambwile batambukile mu ntempelo mu kisanga kia Solomone.

²⁴ Binyibiabia, Bena Yudea babamwifunyishe bamwihusha’shi: A! kihindji kinyi kiwetwikasha na mialasheno? Su E winyi Kidisitu etulungule bibuwa.

²⁵ Yesu bebalulwile’shi: Nenulungwile, anka tanwibakumina: bikitshino biankitshina mwishina dia Yaiya, nyi abinakwila.

²⁶ Anka’nwe tanwibakumine, mwanda tanwi ba mu mikoko yande, bu binenulungwile.

²⁷ Mikoko yande ayihusha eyi diande, neyiuku, ayindondo:

²⁸ Neyiha muwa wa-ikala-ika; tayifu sunga mpahelahela, sunga muntu kwiyinyenga kwiasa diande.

²⁹ Shami, beyimpele, ’mukile boso bukata; biabia takwi muntu euku kuyinyengya mwiasa diE.

³⁰ Ami na Yaiya twi umune.

³¹ Biabia Bena Yudea babasangwile mabwe dimonyi akumuasa.

³² Yesu bebalulwile’shi: Nenulesheshe bikitshino bibuwa bi bungi bi kwi Yaiya; aha mwanda kinyi unankitshi wa’nungyela mabwe?

³³ Bena Yudea babamwalulwile’shi: Tatukwela mabwe ha mwanda wibuwa wokitshi; anka ha mwanda wa kusabula (Efile Mukulu) na ha mwanda obe, muntu, wehwandjikisha bu Efile Mukulu.

³⁴ Yesu bebehwishe’shi: Tangufundjibwe mu milangilo yenu’shi: Nakula’shi, Anwe nwi bēfile?

³⁵ Su ebebatemuna bu bēfile, kwibo kubafikile mwanda w’Efile Mukulu, na bifundwe tabiuku kushulwa.

³⁶ Anumwambila muhatulwe Efile Mukulu, abatumine ha nsenga’shi: Osabula Efile Mukulu, mwanda nambashi, Nyi Mwana ’Efile Mukulu?

³⁷ Su nkimukite bikitshino bia Yaiya, tanunkumina.

³⁸ Ankasu nakitshi (mnyanda) sunga tanunkumina’mi, kuminai bikitshino; na kwiuka nwiukye, nukumine’shi, Yaiya E mundea, mwanda, nami namu nyi munda mwe.

³⁹ Binyibiabia babakimbile dimo mwa kumukwatshila; anka E bakatukile mu masa’bo.

⁴⁰ Bayile dimo adi’eshia dia Yodano, ku kihindji kubadi Yoano babatshisha bantu kwibedi; bashalele kwanka.

⁴¹ Biabia be bungi abafikile kwadi, babambile’shi: Yoano tamukite kilengeleshi: anka myanda yoso yibadi Yoano bambila uno muntu ngia binyibinyi.

⁴² Henyihaha be bungi babamukuminyine.