Luka 2 - KILOMBENO KIHYA KIA NFUMWETU YESU KIDISITU

¹ Bitabibakitshine mu aa mafuku kubatukile kishila kwi Kesala Auguseto eshi: Ba ku nsenga yoso babadikwe ku mashina’bo.

² (Kuno kubadikwa kubakitshinwe kwibedi habadi Kileniusa mutontshi-mukata hanundu-ha-boso a Sidya).

³ Biabia boso abayile mu kufundjibwa, ese muntu ku kibalo kiabo.

⁴ Yosefe namu bakatukile ku Ngadilea ku kibalo kia Nasaleta ēnda ku Yudea, ku kibalo kia Dafidi akilumbwa bu Betelema, mwanda badi a ku nshibo na ku kifuko kia Dafidi.

⁵ Kufundjibwa na Madiya mpian’e muladikwe, badi n’eimi.

⁶ Binyibiabia habadi kwanka, mafuku e akutanda abakumbene.

⁷ Batandjile mwan’e mulume a kwibedi; bamuhombele mu kilamba, bamuladika mu kidilo kia nyama, mwanda mu nshibo ya benyi mubakutshilwe mbalo.

⁸ Ku ya nsenga kubadi balami ba mikoko, abadi bekale ’mahia abalama lombe lwabo bufuku.

⁹ Talai, mwikeilu a Yehowa baimene habadi na ntumbo y’Efile Mukulu yibamunyikile mpese yoso mwabadi; n’abo abadi na moo ukata.

¹⁰ Biabia, mwikeilu bebalungwile’shi: Tanutshinanga moo. Talangai! nenufishisha mukāndu-wibuwa wa kusehela kukata, aukekala ku bantu bosa.

¹¹ Mwanda lelo kubenutandjilwa mu kibalo kia Dafidi, Muhashi E nyi Kidisitu Nfumu.

¹² Na kino akikekala bu kitundwilo kwanudi’shi: Anukasañana mwana muhombēle mu kilamba, muladikwe mu kidilo kia nyama.

¹³ Kahindji n’āka kibumbu kia masalai a mwiilu abafumankene na mwikeilu yawa, abadi abalangwile Efile Mukulu’shi:

¹⁴ Ntumbo kw’Efile Mukulu mwiilu mukile, na hanohansenga kufukama, n’eshimba dibuwa dikale kwi bantu.

¹⁵ Bitabibakitshine, hakukatuka bamwikeilu kwabadi kwaluka mwiilu, balami ba mikoko abelungushene’shi: Twendengei binobino ku Betelema tukatale uno mwanda ubafikye, ubetuukisha Yehowa.

¹⁶ Biabia abafikile lubilo, abasañene Madiya na Yosefe, na mwana mukinga mulale mu kidilo kia nyama.

¹⁷ Habeumwene abeukishe kosokoso dino eyi dibebalungwilwe dia uno mwana.

¹⁸ Na boso abeuhushishe, abakanyine ha uno mwanda ubebalungwile balami ba mikoko.

¹⁹ Anka Madiya balamine yino myanda yoso, beyinangushenanga mwishimba die.

²⁰ Biabia balami ba mikoko abālukile, abatumbishe na kulangwila Efile Mukulu ha mwanda wa myanda yoso yiabehusha na yiabamono, bu biabebalungwile.

²¹ Habakumbene mafuku mwanda, a kusala mwana, eshina die dibatemwine bu Yesu, bu dibamuudikile mwikeilu kwibedi kwa kumwimita mwifu.

²² Habakumbene mafuku a kusudibwa kwe mwiyile kishila kia Mosesa, bamufishishe ku Yelusalema kumulubwila kwi Yehowa. (

²³ Mwakibafundjilwe mu mukanda-wa-bishila wa Yehowa’shi: Ese mwana mulume a kwibedi ashitula efu, akaitanyinwa bu muhatulweakishila a Yehowa).

²⁴ Na kulambula kitahilo mwakibākwilwe mu mukanda-wa bishila wa Yehowa’shi: Tukutshikutshi tubidi, sunga ntwana twa nkudimba tubidi.

²⁵ Talai, mu Yelusalema mubadi muntu eshina die bu Shimeone; e badi muntu mululame, n’eshimba dimune, badi atengyela kisengyelo kia Isalele: na Kikudi-E-Selelee badi hadi.

²⁶ Kikudi-E-Selelee bamufumbwidile mwanda’shi: Tokamono lufu anka s’okamono Kidisitu a Yehowa kwibedi.

²⁷ Batwele mu ntempelo mu Kikudi-E-Selelee, biabia basha mwana, habafishishe mwanka mwana Yesu, kumukitshina mwiyile kihikwa kia mukanda-wa-bishila.

²⁸ Henyihaha bamwātshile mu maboleo e, atumbisha Efile mukulu’shi:

²⁹ Efile Mukulu, Mwanana, olekyele mufubi obe ende na kufukama, mwiyile eyi diobe.

³⁰ Mwanda meso ande abamono kihandjilo kiobe;

³¹ kibolumbulwile kumpala kwa bantu boso.

³² Etata dia kumunyika Badjentaila, na ntumbo ya bantu bobe ba Isalele.

³³ Yosefe na nyin’a mwana abakanyine ku’ya myanda yabākwile ha mwanda we.

³⁴ Na Shimeone bebahele mwabi, balungwile Madiya nyin’e’shi: Tala, uno mwana ’mutudilwe mwanda wa kuhonesha na kubusha dimo kwa bebungi mu Isalele.

³⁵ (Ee, luhete-lwa-ngoshi alukatubula mwishimba diobe na mwinyi namu) ’shi, binangu bia mashimba e bungi abikasokoka.

³⁶ Kubadi namu mwana mukashi mutemuki, eshina die bu Ana, mwan’a Fanuele, a ku kisaka kia Asha. E badi mununu a bihwa bibungi, bekele na mulume bihwa musambobidi mpaa na ku hukamame bwe.

³⁷ E badi mukashi a mufwe ku bihwa malsumi mwanda na hinanka, tamutukye mu ntempelo, bafubile Efile Mukulu na kushīla biakudia, badi na nteko bufuku na kanya.

³⁸ Ha yawa nguba ebatwēle mwanka, foatumbwile Efile Mukulu hamune, bākwile mwanda we kwi boso abadi batengyela kikudilo mu Yelusalema.

³⁹ Habahushishe myanda yoso yilombane mu mukandawa-bishila wa Yehowa, abālukile ku Ngadilea, ku kibalo kiabo kia Nasaleta.

⁴⁰ Na mwana bakule, banyingile eshimba, badi muule nda na binangu, na bumuntu bw’Efile Mukulu bubadi hadi.

⁴¹ Ku kihwa na kihwa nshye na nyin’e abendanga ku Yelusalema ku Kidibwa kia kusehela kia Pāque.

⁴² Habakumbene bihwa ekumi na bibidi, abayile ku Yelusalema muyile kihikwa kia Kidibwa kia kusehela.

⁴³ Biabia habakumbeshwe mafuku, hakwaluka kwabo, mwana Yesu bashele kunyima mu Yelusalema; na Yosefe na nyin’a mwana tabadi beukye.

⁴⁴ Anka’bo abadi abatentekyesha’shi, e mumilongo ya bantu, abayile luendo lw’efuku dimune; abamukimbile munkatshi mwa bakwabo, na kwi’ba bantu babadi beukye.

⁴⁵ Biabia habakutshilwe kumumona, abālukile ku Yelusalema kumukimba.

⁴⁶ Bitabibakitshine ha kukila mafuku asatu, abamusañene mu ntempelo, mushale munkatshi mwa balambukishi, badi e batee matwi, na kwibehusha ngihusbo.

⁴⁷ Na boso abamuhushishe abakanyine ku kushingula kwe, na ku mlalulo ye.

⁴⁸ Habamumwene abakanyine; na nyin’e bamwakwile’shi: A mwan’ande, a nkinyi kiobwetukitshina bino? talanga, shobe n’ami biatubakukimbi na kwinyenga.

⁴⁹ E, bebālulwile’shi: A nunkimbilanga kinyi? tanwibeukye’shi, nkihwandjikile’mi kufuba mufubo wa Shami.

⁵⁰ Ank’abo tambashingule eyi dibebalungwile.

⁵¹ Biabia ebalalele n’abo, bafikile ku Nasaleta, badi mwibakokyele; anka nyin’e balamine yino myanda yoso mwishimba die.

⁵² Na Yesu bafwime mu binangu na mu kishisha kie, na mu lukumino kumpala kw’Efile Mukulu na kwi bantu.