I Temote 3 - KILOMBENO KIHYA KIA NFUMWETU YESU KIDISITU

¹ (Uno) nyi mwanda ngwa binyibinyi’shi, su muntu akyebe bufubi bwa mukulu-a-bikoñeno bi’Efile, akyebe mufubo wibuwa.

² Mukulu-a-bikoñeno bi’Efile wadi n’au ngwa kwikala shyatohekwa sunga mpahela, mulunda a mukashi umune, mwilam’ē na mwinyi, mpila, a mwikelo wibuwa, musangashi a benyi, mwiukye kulambukisha.

³ Shī munemene ku nfinyo, shī sha lukiso, anka sha kasendeleshi, shī sha mpaka, shī na buheta kifulo.

⁴ A kutonta ba ku nshibo ye bibuwa, na bana be mu bukokyeshi bwe na kinemo.

⁵ Anka su kwi muntu shyeuku kutonta ba ku nshibo y’e na mwinyi, a biabia euku mwa kulela kikoñeno ki’Efile Mukulu na minyi?

⁶ Shī mukumine a binobino, ooo, tala ha mwitatula akahona mu kuhoneshibwa kwa Kafilefile.

⁷ Dimonyi, wadi n’au ngwa kwikala na kutumbishibwa kwibuwa kwi’ba be hasha tala ahona mu (mwanda wa) kutohekwe kwa matohe, na mu miteo wa kafilefile.

⁸ Bibuwa bamendaku-ba-kikoñeno ki’Efile bekal’anka hamune, (bakale) baneme, bashī na ndjimi yibidi, bashī bakambe kunemena ku nfinyo, ooo, sunga nkwikala na lwiso ku buheta abubendjibwa.

⁹ Balamate ku’kla kifībwe kia lukumino n’eshimba dia munda selelee.

¹⁰ Abo namu batompibwe kwibedi; biabia bafube mufubo wabumendako-bwa-kikoñeno ki’Efile (hakusañanwa) bashī batohekwe.

¹¹ Anka biabia namu bakashi (bekale) na kinemo bashī na twihu, bampila, be kishima mu bintu bioso.

¹² Bamendaku-ba-kikoñeno-ki’Efile bekale balume ba mukashi umune, abatontā bana babo na be ku mashibo abo bibuwa.

¹³ Mwand’abo abafubile biya bufubi bwa bamendaku-ba-kikoñeno-ki’Efile, abamwenamo kwi’bo bana bene mwa kwimena hebuwa, na kukankamana kw’eshimba kukata mu lukumino lwi mu Kidisitu Yesu.

¹⁴ Yino myanda nakufundjila’shi, (mwanda) natengyela kufika kodi ahayisha kahindji kehi;

¹⁵ anka su nankayisha kihindji kikata (hakufika), mwandawa kukwiukisha mwaudi ulombene bantu mwa kwikela mu nshibo y’Efile Mukulu, nyi kikoñeno ki’Efile Mukulu a muwa, kibayi na kibangilo kishimate kia biabinyibinyi.

¹⁶ Kinyi kifibwe kia bwin’Efile Mukulu nkikata kishī kia mpaka, ooo; E bafumbwilwe mu bia mbidi, babangishwe mu Kikudi-E-Selelee, bamwenwe na bamwikeilu, balungulwa munkatshi mwa milo (ya bantu) bakuminyibwe hanohansenga, batambwilwe mwiilu mu ntumbo.