I Bena Kodinda 3 - KILOMBENO KIHYA KIA NFUMWETU YESU KIDISITU

¹ Binyibiabia anwe bakwetu ba mu Kidisitu, ami nakutshilwe kwakula kwanudi hamune bu ba be mu Kikudi-E-Selelee ooo, anka hamune bu ba abalondo abikyebe mbidi, (mpamune’nka) bu kwi bana balukyekye mu Kidisitu.

² Nenutomeshe mabele, nkimwinudīshe mwita; mwanda tanubadi na bukome (bwa kwiudia) sunga mbinobino tanwamwene (bia kwiudia).

³ Mwanda nuki bu’ba abalondo abiltyebe mbidi, mwanda munkatshi mwenu mwi kiutu, na mpaka, na milamūno; (a biabia) tanwi bu’ba abalondo mbidi na kulonda amukitshina bantu su?

⁴ Umune, hakwakula’shi: Ami nyi a Paulu, mungi’shi, ami nyi a Apolosa; (a biabia) tanwi bu’ba abalondo mbidi su?

⁵ A Paulu e nanyi? Apolosa’nyi nanyi? abo ñanka bafubi nyi kwanubakuminyine, bu mubebahelele Nfumwetu muntu na we, muntu na we.

⁶ Ami nakune, Apolosa bamamine (mema,) ank’Efile Mukulu beyikudishe.

⁷ Biabia yawa akunā te kintu, sunga ngyawa amaminā mema, ank’Efile Mukulu nyi e yikudishā.

⁸ Binyibiabia e akunā, n’e amaminā mema mbamune, boso abakatambula, au na bwedi bwe, au na bwedi bwe, mulombene mufubo we.

⁹ Mwanda atwe twi bafubi hamune n’Efile Mukulu; anwe nwifuba dibundwe di’Efile Mukulu, (nwi) kibakibwe ki’Efile Mukulu.

¹⁰ Mulombene bu-muntu bw’Efile Mukulu bubampebwa, ami natudile kibangilo bu mwibaki mukulu a bukalabwino, mungi namu baibakile hanka. Anka ese muntu adimukye mwaibakila hanka.

¹¹ Mwanda muntu teuku kutula kingi kibangilo, ankā’kia kibatudilwe, nyi Yesu Kidisitu.

¹² Binyibiabia su muntu aibaka ha kino kibangilo kilonda kia nsahabu, sunga nkia nfedha, sunga mabwe aneme, su mitshi, sunga mbitshi, su mbinkolwa.

¹³ Mufubo wa muntu ese wanakafumbulwe, mwanda efuku adikalesha’o, mwanda aukafumbulwa na kālo; kālo namu akakatompo mufubo wa muntu ese muntu ese, su wi na minyi.

¹⁴ Su mufubo wa muntu ubaibakile hanka awikala, akatambula bwedi.

¹⁵ Su mufubo wa muntu aukahi kālo, akakala malwa ha mwanda wa kushimisha kwe, anka e na mwinyi akahashibwa, anka hamune bu moholwe mu kālo.

¹⁶ Tanwibeuke’shi, nwi bu ntempelo yishidikwe y’Efile Mukulu, Kikudi-E-Selelee namu abombela munda mwenu?

¹⁷ Su muntu alwisha (yinyi) ntempelo yishidikwe y’Efile Mukulu, Efile Mukulu (namu) akamulwisha; mwanda nshibo y’Efile Mukulu yishidikwe, ngihatulwe-yikishila, ngankā’nwe.

¹⁸ Muntu tedimbange e na mwinyi. Su muntu a munkatshi mwenu anangushena’shi: Nyi na binangu bia hanohansenga, alulukye bu mulotakane, biabia ekale sha binangu.

¹⁹ Mwanda binangu bia bahanohansenga nyi mbilotakane kw’Efile Mukulu. Mwanda ubafundjibwe’shi: Akwata basha binangu inu bulamalama bwabo.

²⁰ Dimonyi’shi; Yehowa euku nangunangu ya basha binangu’shi, ngia bisumanga.

²¹ Binyibiabia takwikalanga muntu, sunga ngumune akwilungwila mu bantu. Mwanda bintu bioso mbienu;

²² Sunga Paulu, sunga Apolosa, su Kefasa, su mpanohansenga, su nkutala, su ndufu, su mbintu bihadi, su mbintu abikafiki; bioso mbienu,

²³ anwe namu nwi ba Kidisitu; Kidisitu namu ng’Efile Mukulu.