I Bena Kodinda 13 - KILOMBENO KIHYA KIA NFUMWETU YESU KIDISITU

¹ Sunga nākulā na ndjimi ya bantu na ya bamwikeilu, n’ami nki na kifulo, (biabia) nyi mwalulwe bu kilonda kia lembela ki ñono, su mbu kwakula kwa lubembo.

² Na su nyi na kiabuntu kia lutemuko lwa myanda, na kushingula bifībwe na biyukilo bioso; sunga nyi na lukuluhilo loso namu lwa kukasha mangulu, n’ami nki na kifulo, (biabia) nyi bu bisumanga.

³ Su natusha bintu biande bioso kudisha (balanda,) su nahana mbidi yande kushikibwa ha kālo, na kifulo nki n’akio, biabia nki na kia nkamwena mwanka sunga nkimune.

⁴ Kifulo akitalasha eshimba kihindji kila, ki na bumuntu, kifulo takikala na kiutu, ooo, kifulo taki na kwinemeka, taki na kwitatula,

⁵ takikitā akia kishi kilombane biya, takikimbila kiakio ki na mwinyi, takikolomonwa lubilo, takitentekyesha bibubi.

⁶ Taki sehela mu bia bubi, anka akisehela na bia binyibinyi;

⁷ akitulu eshimba mu bioso, akikumina bintu bioso, akitengyela bintu bioso, akikankamana mu bintu bioso.

⁸ Kifulo takikakutwa sunga mpahela; anka sunga nkwi bitemukilo bia myanda, abikakatuka; sunga nkwi ndjimi, ayo ayikahu; sunga nkwi kiukilo akikashimina.

⁹ Mwanda atwiuku anka kihindji, atutemuka namu myanda anka kihindji;

¹⁰ anka ahakafikī’kia kikumbane, biabia akia ki kihindji akikakatushwa.

¹¹ Hanadi mukinga nadi ākula bia bukinga, nashingulwile bia bukinga; nadi atentekyesha bia bukinga; anka hanakule, tandji mukulu, nakashishē’bia bia bukinga.

¹² Mwanda binobino atwitala mu lumweno lwi lulembalemba, anka akwā atuketalena ku mahala; binobino neuku kihindji, ankā’kwa nankeuku mwandji mwiukibwe.

¹³ Binobino akwikala lukuluhilo, na lutengyelo, na kifulo, anka kikididile bino (bisatu) bukata nyi nkifulo.