Ii Bena Kodinda 1 - KILOMBENO KIHYA KIA NFUMWETU YESU KIDISITU

¹ Paulu mutumibwa a Yesu Kidisitu amukyebela eshimba di’Efile Mukulu, na Temote mukwetu, ku kikoñeno ki’Efile ki ku Kodinda, na kwi bahatulwe-be-kishila be moso mu Akaiya?

² Bu-muntu na kufukama bikale n’enu kw’Efile Mukulu Nshyietu na kwi Nfumwetu Yesu Kidisitu.

³ Efile Mukulu Nshye Nfumwetu Yesu Kidisitu, Yaiy’a bia lusa, n’Efile Mukula a busambi, ahebwe mwabi.

⁴ Nyi etusambā mu malwa etu oso’shi, twiukye namu mwakusambila aba be na malwa, su nga kinyi su nga kinyi, ha mwanda wa kusambwa kwatubasambilwe kw’Efile Mukulu atwe bana bene.

⁵ Mwanda mwamufwimina mitanyo ya Kidisitu mwatudi, anka biabia kusambibwa kwetu akufwimi namu kwi Kidisitu.

⁶ Anka sunga atumono malwa, nyi ha mwanda wa kusambwa kwenu na kihandjilo kienu; abalombashibwa mwa kwiyididila mu yino mitanyo yayitutanyā; sunga atusambibwā, nyi ha mwanda wa kusambibwa na kihandjilo kienu.

⁷ Na lukuluhilo lwetu ha mwanda wenu ndusliimate, ha kwiuka’shi, anka mwanumwenā (n’atwe) mitanyo, nyi mwanukamwena namu kusambibwa.

⁸ Mwanda tatukyebe’nwe bakwetu kwikala bashī beukye mwikele bishiotshi bietu bibafikile kwatudi mu (Asie,) eshi, tubanemenenwe bikata, bitukīle bukome bwetu, twafudila twakyeb’anka kufwa.

⁹ Tatubadi behīshe’twe bana mwinyi’shi, ñanka lufu; biatushī badia nkekuluhila mwi’twe bana bene, ooo, anka mwi Efile Mukulu asangulā bafwe.

¹⁰ Akwitumañuna ku lufu lukata lwi bino, e nyi amañunā, mwadi e nyi mwatukuluhila’shi, anaketumañune.

¹¹ Anwe namu nwitukwashie hamune mu nteko, ha mwanda wa buntu bwatubahebwa, biabia bebungi batumbule Efile Mukulu ha mwanda w’atwe.

¹² Mwanda kwitumbisha kwetu kwi bino, nyi mbulungudi bwa muntu-etu-e-munda’shi, mwishimba dimune na binyibinyi bi’Efile Mukulu, kushī ku binangu bia mbidi, ooo, anka ku bu-muntu bw’Efile Mukulu mwatubadi bekale mu nyikashi hanohansenga, biabia kwanudi’nwe tubenukidi.

¹³ Mwanda tatwibenufundjile yingi myanda kwanudi, anka yinyi yanubalā na yanukuminā; natengyela namu’shi, anukakumina (yanka) mpaa na kunfudilo,

¹⁴ anka bu mwanubetukuminyina kihindji’shi, atwe twi ntumbo yenu anka ha mune namu, anwe nwi yetu (ntumbo) mwifuku dia Nfumwetu Yesu.

¹⁵ Mwanda mu luno lukuluhilo nadi n’eshimba dia kufika kwanudi kwibedi’shi, nutambule kiabuntu kia kabidi;

¹⁶ na kukila kwanudi ha kwenda ku Masedonya, na ku Masedonya namu kwaluka dimonyi kwanudi, eshi, nshindjikilwe n’enu mwishinda dia ku Yudea.

¹⁷ Hanadi n’eshimba di biabia nadi shī musumine su? Na bintu bianfunā, nebifunā mulombene bia mbidi’shi, kwandji’mi kwikale, ee, ee; ooo, ooo, su?

¹⁸ Anka bu bi’Efile Mukulu mbinyibinyi mwanda wetu kwanudi tangwa kwamba’shi, ee, sunga’shi ooo.

¹⁹ Mwanda Mwan’Efile Mukulu, Yesu Kidisitu, balungwilwe munkatshi mwenu kwatudi, n’ami uno, na Selefanusa na Temote, taubadi’shi, ee, sunga’shi, ooo, anka mwadi e ñanka’shi, ee.

²⁰ Mwanda milayilo yoso y’Efile Mukulu mwadi e yi’ anka ee, ayo, ngia Amena, ’shi, Efile Mukulu atumbishibwe ha mwanda w’atwe.

²¹ Anka yawa etukankamishā hamune n’anwe mu Kidisitu, betuhongolwelele (bu mwimu’nyi) nyi Efile Mukulu.

²² N’e winyi namu betuhele kiyukilo kia kīe nyi Kikudi-E-Selelee mu mashimb’etu.

²³ Dimonyi naitanyina Efile Mukulu e nkamonyi k’eshimba diande’shiha mwanda wa kwinufwila lusa, nyi wa sisī mufikile ku Kodinda ooo.

²⁴ Ta mpa mwanda’shi twi na lumuno hanundi ha lukumino lwenu, ooo, anka twi bakwashi ba mu muloo wenu; mwand’anwe anukankamanā ku lukuluhilo.