MATA 1 - Nouveau Testament Doyayo

MATA Dɔgl Rɔb yɔ Mata bįį MATA 1

¹ Yeesu Kristu ɗɛntɛ ɔ̧ɔ̧ zaŋgya̧ dɔgl gɛrɛ. Yeesu Kristu zaŋgɔ fu̧u̧ a Dawda dɔ̧ɔ̧t du. Dawda be zaŋgɔ fu̧u̧ a Abraham ge.

² Abraham mɔɔ Isaaku. Isaaku mɔɔ Yakuba. Yakuba mɔɔ Yahuda hi hindaɔ hiya hi yɛ̧ɛ̧dɛ ɔ̧ɔ̧.

³ Yahuda mɔɔ Farɛs hi Zaara (naaya̧ gɛ Tamar). Farɛs mɔɔ Hesrun. Hesrun mɔɔ Aram.

⁴ Aram mɔɔ Aminadab. Aminadab mɔɔ Naasun. Naasun mɔɔ Salmuna.

⁵ Salmuna mɔɔ Bowas (nɔɔtɔ gɛ Rahab). Bowas mɔɔ Obɛd (nɔɔtɔ gɛ Rud). Obɛd mɔɔ Yɛsa.

⁶ Yɛsa mɔɔ waar gbɔɔl bɔ Dawda. Dawda mɔɔ Sulemaanu (nɔɔtɔ gɛ Uriya nistɔ).

⁷ Sulemaanu mɔɔ Robowam. Robowam mɔɔ Abiya. Abiya mɔɔ Asa.

⁸ Asa mɔɔ Yusufat. Yusufat mɔɔ Zoram. Zoram mɔɔ Uziya.

⁹ Uziya mɔɔ Zotama. Zotama mɔɔ Akas. Akas mɔɔ Hezekiya.

¹⁰ Hezekiya mɔɔ Manase. Manase mɔɔ Amɔŋ. Amɔŋ mɔɔ Zoziyas.

¹¹ Zoziyas mɔɔ Zekuniya hi yɛ̧ɛ̧dɛ ɔ̧ɔ̧ a wɛlyɔ hi tuus Israhilaya wɔ a hi hɛbt du hi ka̧hi a Baabila gedu.

¹² Yɔ hi kam Israhilaya wɔ a Baabila, Zekuniya mɔɔ Salatiyɛl. Salatiyɛl mɔɔ Zorobabɛl.

¹³ Zorobabɛl mɔɔ Abihuda. Abihuda mɔɔ Elyakim. Elyakim mɔɔ Azora.

¹⁴ Azora mɔɔ Zadoka. Zadoka mɔɔ Akim. Akim mɔɔ Elyuda.

¹⁵ Elyuda mɔɔ Eliyazar. Eliyazar mɔɔ Matan. Matan mɔɔ Yakuba.

¹⁶ Yakuba mɔɔ Mariyama waltɔ Yusufu. Mariyama gii mɔɔ Yeesu yɔ nuŋgɔ a Masihu, raakɔ a Za̧a̧nyɔ Bɛt yaazige.

¹⁷ Zaŋgɔ baar a Abraham ge gi tuur a Dawda ge, baa zaŋg koobl daa nasɔ. Yɔ baar a Dawda ge gi tuur a wɛl yɔ hi tuus Israhilaya wɔ a hi hɛbt du hi ka̧hi a Baabila gedu baa zaŋg koobl daa nas be, yɔ baar a Israhilaya wɔ kaŋkya̧ bɔ Baabila gedu gi tuur a Yeesu Masihu zaŋgɔ bɔ gedu gi zaŋg koobl daa nas be.

¹⁸ Yeesu Kristu mɔɔkɔ bɔ tuur anyɔ lɛ: yɔ nɔɔtɔ Mari-yama gi Yusufu gbaagɔ, hi ɔksir nɛ gɛ, zɛm Mariyama buud ma hi Bɛt Mɔkilɔ tɛŋkɔ.

¹⁹ Yɔ gbaagɔ Yusufu gi ɗɔbsig Bɛt hi rɔb be, wɛɛ gi hā̧ā̧ge an gi ha̧a̧n Mariyama seem a dood lɔlgbar gɛ, mɔk an gi hɛɛtin hi gii bɔ doo gi mɛɛ.

²⁰ Anyɔ gi mɔkig hin anbɔ, Waar Bɛtwalsɛr za zaa ge a yorum du raage a mɔɔ Yusufu Dawda waawalɔ, bɔ hoob gi ha̧a̧mɔ Mariyama look an nis mɔ. Bud waa bɔ hi Bɛt Mɔkilɔ tɛŋk ɔ̧ɔ̧nɛ.

²¹ Gi mɔɔ waawalɔ mɔ dɔ̧ɔ̧sig nuŋgɔ a Yeesu gii gi za̧a̧s doodɔ a hinha̧a̧lya̧ wɔ gedu.

²² Hin wɔrɔ sɛw hi tuur an hinyɔ Waar Bɛt dɔg a ya̧a̧kɛŋkɔya bɔ gi ya̧a̧ du gi wooyyɔ

²³ a yɛrɛ nis bɔ mɛɛ walya̧a̧ gɛ gi budɔ, gi mɔɔ waawalɔ hi dɔ̧ɔ̧sig nuŋgɔ a Emanuyɛl, hinɔ raakɔ a Bɛt gi hi wɛya.

²⁴ Yusufu yɔ rɛmɔ woo anyɔ Bɛtwalsɛr bɔ raage, wɛɛ loo Mariyama kaŋg gɔ gi lɛlɛ.

²⁵ Yɔ anbɔ nis bɔ mɔɔ waa bɔ kete, ɓɔr hi ɔɔ ɔksig lɛlgbunu. Yusufu wɛɛ dɔ̧ɔ̧s waa bɔ nuŋgɔ a Yeesu.